გენეტიკური ანომალია ახალგაზრდა კაცს საშუალებას აძლევს მოახდინოს საკუთარი თავის ტელეპორტირება ნებისმიერ ადგილას. ის აღმოაჩენს, რომ ეს უნარი საუკუნეების მანძილზე არსებობს და ჩაებმება ბრძოლაში, რომელიც ათასწლეულებია მიმდინარეობს ტელეპორტირების უნარით დაჯილდოვებულთა და იმ ადამიანთა შორის, რომელთაც მათი მოკვლა სურთ.
ჟან ბატისტ გრენუი მეთვრამეტე საუკუნის პარიზში, მიწურებში დაიბადა და თანდაყოლილი განსაკუთრებული ყნოსვის უნარი გააჩნდა, რომლის მეშვეობითაც ის იდეალური სურნელის შექმნას ცდილობდა. მიზნის მისაღწევად იგი ბოროტმოქმედი ხდება...
ყოფილ ფედერალურ აგენტ უილ გრეჰემს, რომელიც ერთხელ თავად ძლივს გადაურჩა სასტიკი ჰანიბალის, ეგრედწოდებული "კანიბალის" კლანჭებს, კვლავ უწევს მასთან ურთიერიერთობა. როგორც ირკვევა, ახლა მხოლოდ ლექტერს შეუძლია დაეხმაროს გამოძიებას ახალი სერიული მკვლელის, ფრენსის დოლარჰაიდის დაჭერაში, მაგრამ რამდენად სანდოა ასეთ ადამიანთან თანამშრომლობა?
ფილმი მოგვითხრობს ბიჭის სახელად კემის ისტორიას. ის ველოკურიერია, რომელსაც დანაშაულებრივი ბანდის ვალი აქვს. ერთ დღეს ის ველოსიპედით სექსუალურ უცნობ გოგონას გაიტანს. ახალგაზრდა ქალი მას მოხიბლავს და პარკურის სამყაროში ჩაითრევს.
არტურ ბიშოპი უნაკლო ქილერია, რომელიც მუშაობის დროს ყოველთვის იცავს წესებს - "სუფთად" და "უკვალოდ", მაგრამ როდესაც მას, მის აღმზრდელს და ახლო მეგობარს- ჰარის უპირისპირებენ, იგი ცუდ მდგომარეობაში ვარდება...
ყოფილი სამხედრო ნიკ ესკალანტე ლას-ვეგასში დაცვად მუშაობს. ის ფულის მოგროვებასა და ვენეციაში წასვლაზე ოცნებობს, მაგრამ ოცნების ქალაქში წასვლის გეგმები გადაიდება, როცა ნიკი გადაწყვეტს დაეხმაროს მეძავ ჰოლის, რომელზეც მსხვილი განგსტერის შვილი მუდმივად ძალადობს.
ახალგაზრდა ბიჭს მობილურ ტელეფონზე სასწრაფო ზარი შესდის მასზე უფროსი ქალისგან. ქალბატონი ამტკიცებს, რომ იგი მოიტაცეს და როგორც მომტაცებლები იმუქრებიან, შემდეგი მისი ქმარი და შვილი იქნება.
ლებოვსკი არის ზარმაცი ადამიანი რომელიც მთელს თავის დროს ატარებს სმაში და ბოულინგის თამაშში. მოულოდნელად მისი წყნარი ცხოვრება ირღვევა. განგსტერებს ეშლებათ ის მის მოგვარე მილიონერში და ფულს სთხოვენ...
ბიჭუნა ტოდ ბოვდენი აღმოაჩენს, რომ მისი მეზობელი არტურ დენკერი - სასტიკი ნაცისტი და დამნაშავეა, რომელმაც შესძლო სამართალისგან გაქცევა. თავისი სიჩუმის ფასად მოზარდი ითხოვს, რომ მოხუცმა მას საიდუმლოები გაუხსნას და მოუყვეს მეორე მსოფლიო ომისა და საკონცენტრაციო ბანაკების ისტორიები.
პარიზში დასასვენებლად ჩასულ ამერიკელ გოგონას ტრეფიკინგის დაჯგუფება გაიტაცებს. გოგონას მამა, ყოფილი ჯაშუში, თავს არ ზოგავს შვილის დროულად დასახსნელად. როგორც სჩანს, ის ვეღარ მუშაობს ისევე კარგად როგორც ადრე და შესაძლოა თავი ვერ გაართვას ამ ამოცანას.
1979 წელს, ნიუ -იორკსა და იტალიაში თავისი საქმიანი ურთიერთობების ლეგიტიმაციის პროცესში, ასაკოვანი მაფიოზი დონ მაიკლ კორლეონე, ცდილობს მსხვერპლი გაიღოს თავისი ცოდვების გამოსასყიდად და ახალგაზრდა პროტეჟეს თავის ფრთის ქვეშ შეიფარებს. ტრილოგიის ბოლო ფილმი, პირველი ორის გამოსვლიდან 16 წლის შემდეგ, ასრულებს ამბავს მაფიის ბოსის, მაიკლ კორლეონეს შესახებ...
ნებრასკელი პოლიციელი ქეთრინ ბოლკოვაჩი ომის შემდგომ ბოსნიაში სამშვიდობო მისიაში მუშაობის დროს, ტრეფიკინგის ჯაჭვს აღმოაჩენს. ის სხვა ადამიანების გადასარჩენად საკუთარ სიცოცხლეს რისკის ქვეშ აყენებს, მაგრამ მიუხედავად ამისა, უკან არაფერზე იხევს...
ფილმი გადაღებულია რეალური მოვლენების მიხედვით და მოგვითხრობს უმუშევარ მარტოხელა დედაზე, რომლის ძმასაც სამუდამო პატიმრობა მიუსაჯეს. ის ძმის უდანაშაულობაში დარწმუნებულია და მომდევნო 10 წელიწადს საქმის დეტალურ გამოძიებას უძღვნის...
ვიტო კორლეონეს ისტორია, რომელიც სიცილიაზე მისი ბავშვობით იწყება და ნიუ-იორკში მისი ვაჟის, მაიკლ კორლეონეს ამბით გრძელდება, რომელიც თავისი ბიზნესის ლას-ვეგასში, ჰოლივუდსა და კუბაში გაფართოებას ცდილობს...
ახალგაზრდა ქალი, რომელიც მშობლების ამოხოცვას შეესწრება ბოგოტაში, დაქირავებული მკვლელი ხდება, ის ბიძამისთან მუშაობს და ყოველ დღე ახალ-ახალ დავალებებს იღებს, თავისუფალ დროს კი სასტიკ მკვლელობებშია ჩართული, რადგან ერთადერთი მიზანი ამოძრავებს-მისი მშობლების მკვლელის პოვნა და შურისძიება...
შობის დღესასწაულის დღის წინ ტერორისტების ჯგუფმა საერთაშორისო აერაპორტში შეიჭრა და ახლა ათასობით მგზავრი მძევლად ყავთ აყვანილი. ტერორისტების მიზანი ნარკობარონიუს გადარჩენაა. ბანდა მზადაა ყველანაირი მოულოდნელობისთვის, ერთის გამოკლებით - ჯონ მაკლეინთან შეხვედრისთვის. ბრიუს უილისი ბრუნდება სუპერგმირი-პოლიციელის როლში, რომელიც ებრძვის არა მარტო ტერორისტებს, არამედ აეროპორტის პოლიციის არაკომპეტენტურ შეფს, ანტიტერორისტული განყოფილების სულელ უფროსს და საშინელ თოვლის ქარიშხალს.
ტეხასის პატარა ქალაქის მაცხოვრებლებს მომთმენი და დაფიქრებული შერიფის მოადგილის, ლუ ფორდის იმედი აქვთ. ზოგს მიაჩნია, რომ იგი ზედმეტად ნელი და მოსაწყენია, მაგრამ სხვა ცუდ მხარეს მას ვერ გამოუძებნი. სინამდვილეში არავინ იცის ლუს ნამდვილი "დაავადების შესახებ. ყველასგან ფარულად იგი სოციოპატი სადისტია.
იაპონიის ელჩი მარსელში, ქალაქის კრიმინალური დაჯგუფებების წინააღმდეგ მებრძოლი პოლიციის მუშაობას უნდა დააკვირდეს. ამ სტუმრობის დროს მას იაკუძას დაჯგუფება გაიტაცებს. ახალგაზრდა ოფიცერი ემილიენი ძალებს არ იშურებს იმისათვის, რომ აღადგინოს მათი განყოფილების ღირსება და გადაარჩინოს ელჩი და ოფიცერი პეტრა (მისი მეგობარი გოგონა), რომელიც ასევე იაკუძას მიერ არის მოტაცებული. ისევ და ისევ იგი დასახმარებლად სიჩქარეზე გაგიჟებულ, ტაქსისტ დენიელს იძახებს.
დეტექტივი ემილიენი და სუპერმძღოლი დანიელი მარსელის ქუჩებში მოუხელთებელ მძარცველებს დასდევენ. ფილმის ბოლომდე შეუძლებელია იმის გარკვევა, თუ ვინ დარჩება გამარჯვებული.
ამბიციური ადამიანების იმედები და ოცნებები მაშინ ინგრევა, როდესაც ისინი ნარკოტიკებზე დამოკიდებულები ხდებიან. ფილმი გვაჩვენებს თუ როგორ ანგრევს ადამიანს გონებრივად და ფიზიკურად ნარკოტიკებზე მიჯაჭვულობა.
მერი და მისი მეგობარი კოლინვუდის ტბისკენ მიმავალ გზაზე ჩერდებიან, სადაც გაქცეული დამნაშავისა და მისი გუნდის ბრჭყალებში აღმოჩნდებიან. მერი ახლოს მცხოვრებ მშობლებთან გარბის. საიმედო სამალავის მაძიებელ დამნაშავეებსაც სწორედ მათი სახლი იზიდავთ.
ადამი და გორდონი გონზე მოვიდნენ, როდესაც მიტოვებულ შენობაში მილებზე იყვნენ მიჯაჭვულები. მათ შორის დასისხლიანებული გვამი ეგდო. არც ერთმა მათგანმა არ იცის როგორ მოხვდა აქ ან როგორ გავიდეს აქედან. ისინი სერიული მკვლელის მსხვერპლნი არიან. მათ ან უნდა მოკლან ან თვითონ მოკვდნენ - მკვლელს ასეთი მანერა აქვს...
გონებაარეულმა მწერალმა დაკარგა შთაგონება და ვერანაირად ვერ ახერხებს ახალი სცენარის დაწერას. ის უნებლიედ ხდება ჩათრეული ძაღლის გატაცების ამბავში რომელიც მისმა ექსენტრიულმა მეგობრებმა განიძრახეს. შემდეგ გამოირკვევა, რომ გატაცებული ძაღლი არის ადგილობრივი განგსტერის, რომელიც დაადგება გამტაცებლების კვალს და იწყებს ნადირობას მათზე.
ნიკისთვის, კურტისთვის და დეილისთვის ყოველდღიურობა უფრო ასატანი რომ გახდეს მათი აუტანელი ბოსები უნდა გაანადგურონ. სამსახურიდან წასვლა გამორიცხულია, ამიტომ სასმელისა და ყოფილი პატიმრის რამოდენიმე რჩევის დახმარებით ეს სამი მეგობარი ჩახლართულ გეგმას დასახავენ და ერთი შეხედვით ეს სულელური გეგმა მათ ეხმარებათ აუტანელი ბოსების სამუდამოდ თავიდან მოცილებაში...
ბონდის ბოლო მისია ცუდად დამთავრდა და მთელი მსოფლიოს აგენტები ფეხზე დადგნენ, მი–6–ს საფრთხე ემუქრება, რის გამოც ემი იძულებულია მისი ადგილმდებარეობა შეცვალოს. ახლა მას მხოლოდ ერთი მოკავშირე დარჩა ვისაც შეუძლია რომ ენდოს და ეს არის ბონდი. 007 ახლა იდუმალებით მოცულ და ჯერ უცნობი მოტივების მქონე ვინმე სილვას კვალს მიყვება.
არტურ ბიშოპს დიდიხანია მისი მკვლელობებით აღსავსე ცხოვრება დავიწყებული აქვს, მაგრამ მას მოუწევს დაუბრუნდეს წარსულ ცხოვრებას, როდესაც მის სიყვარულს მოიტაცებენ. მის გამოსახსნელად კი სამი მკვლელობის ჩადენაა საჭირო, ისე რომ ყველას უბედური შემთხვევა ეგონოს...
ნოველისტი პოლ შელდონი კოლორადოს გზატკეცილზე ავარიაში მოყვება. მას პოლის წიგნის გმირის - მიზერი ჩესტეინის "პირველი გულშემატკივარი" ენი უილკსი იპოვნის. ენი ფსიქიურად არამდგრადი პიროვნება აღმოჩნდება, პოლს დაასახიჩრებს და წამლების ზემოქმედების ქვეშ ჰყავს.
ნიუ-იორკის პოლიციის დეტექტივი ჯონ შაფტი დააკავებს ვოლტერ ვეიდ უმცროსს, რასისტულად მოტივირებული მკვლელობის ჩადენის გამო, მაგრამ ერთი მოწმე ქრება და ვეიდი შვეიცარიაში უჩინარდება. ორი წლის შემდეგ ის ბრუნდება რათა სასამართლოს წინაშე წარსდგეს, დარწმუნებულია რა, რომ ფული და გავლენა გადაარჩენს, განსაკუთრებით მას შემდეგ, რაც მან მოაკვლევინა თვითმხილველი...
ლამაზმანი ლორა ბერნი, ქმრის მარტინის ეჭვიანობისგან და აგრესიულობისგან სიგიჟის ზღვრამდეა მისული. მან არ იცის როგორ გაექცეს ქორწინებას, რომელიც მისთვის წამებად იქცა. ის სარისკო ინტრიგას გეგმაქვს... გადაწყვეტილებას მიიღებს საკუთარი სიკვდილი გაითამაშოს...
პენსიაზე გასასვლელად მომზადებული ვეტერანი ჯაშუში ნათან მუირი შეიტყობს მისი ძველი პროტეჟესა და მეგობრის, ტომ ბიშოფის შესახებ, რომ ის პოლიტიკური პატიმარია პეკინში და სასიკვდილოდაა განწირული. მიუხედავად მათი ცუდი ურთიერთობისა, მუირი თანხმდება მისიაზე ბიშოფის გადასარჩენად.
რეალურ ცხოვრებაში თქვენ ვერ ნახავთ სუპერგმირს კომიქსებიდან, სამაგიეროდ თქვენ შეიძლება შეხვდეთ ნამდვილ გმირებს. ქარიზმატულმა გამპანღურებელმა და გლამურულმა ცხელმა-გოგონამ მოიპოვეს ახალი გუნდის მხარდაჭერა პოლკოვნიკ ამერიკას ხელმძღვანელობით. მაგრამ ჩვეულებრივი მაფიოზების გარდა ქალაქს ემუქრება ახალი საფრთხე, ახალგაზრდა მაჟორი ძალიან ცუდი ხასიათით და ერთგული დაქირავებული ჯარით...
დეივ ლიზევსკი, უბრალო თინეიჯერი, გაკვირვებულია რატომ არავის არასდროს მოსვლია აზრად ნამდვილი სუპერგმირი გახდეს, ისეთი, როგორიც კომიქსებშია. მას შემდეგ, რაც ლიზევსკის ქუჩაში დააყაჩაღებენ, ხოლო ამის შემსწრე გამვლელი არაფერს მოიმოქმედებს, დეივი გადაწყვეტს ნამდვილი სუპერგმირი გახდეს. იგი ინტერნეტის მეშვეობით მყვინთავის კოსტუმს შეიძენს და კრიმინალის წინააღმდეგ ნიღბიან მებრძოლად მოგვევლინება, მიუხედავად იმისა, რომ არც სუპერძალა აქვს და არც განსაკუთრებული მომზადება...
ბანკის მძარცველთა ბანდა ლოს-ანჯელესის ოკეანის პირა ქალაქიდან, ყოფილი პრეზიდენტების ნიღბებით ძარცვავენ. მათ რეიგანის, ნიქსონის, კარტერის და ჯონსოსნის ნიღბები უკეთიათ. ფბრ დარწმუნებულია, რომ ბანდის წევრები სერფერები არიან, ახალგაზრდა აგენტი ჯონი იუტა ცდილობს მათ რიგებში შეღწევას და ინფორმაციის მოპოვებას...
ლოს-ანჯელესის პოლიციის სპეცრაზმელი ჯეკ ტრეივენი იბრძვის ნაღმების დამზადების ექსპერტის ჰოვარდ პეინის წინააღმდეგ, რომელიც გამოსასყიდს ითხოვს. თავიდან მაღალსართულიანი შენობის ლიფტია დანაღმული, შემდეგ ავტობუსი, რომელიც აფეთქდება. ეს კოშმარი ლოს-ანჯელესის ერთი დღისთვის საკმარისზე მეტია და ეს კიდევ დასასრული არ არის...
დაგ მაკრეი გამოცდილი ქურდია და მის გუნდის წევრებზე ბევრად ჭკვიანია, ახლა კი თამაშიდან გასვლა სურს, მაგრამ როდესაც საქმე ბანკის ფილიალის ახალგაზრდა მიმზიდველი მენეჯერის, კლერ კისის გატაცებას ეხება, იგი ისევ საქმეშია. ამ ქალთან ურთიერთობა საშიშროებას უქმნის დაგს და ფედერალური ბიუროს აგენტს ადამ ფროულის მისი გუნდის წევრების ვინაობის დადგენაში ეხმარება...
ისტორია ელიტარულ მკვლელზე, რომელიც შექმნილია გენური ინჟინერიის დახმარებით. ის გაერთიანდა ქალბატონთან ერთად და გადაწყვიტა მას აპოვნინოს მამა და ამასთანავე ამოიცნოს თავის წარმომავლობის საიდუმლოება...
ცენტრალური სადაზვერვო სამმართველოს აგენტმა, ეველინ სოლტმა ფიცი დადო ვალდებულების, ღირსების და ქვეყნის წინაშე. მისი ერთგულების გამოცდა კი მაშინ იწყება, როდესაც რუსეთის ჯაშუშობაში დაადანაშაულებული სოლტი გაქცევით უშველის თავს და მთელ მის გამოცდილებას და შესაძლებლობებს გამოიყენებს, რათა დაიმალოს და მდევრებს ხელში არ ჩაუვარდეს. სოლტი, უდანაშაულობის მტკიცებისას მხოლოდ ეჭვს გამოიწვევს მისი მოტივაციის შესახებ და სანამ მისი ნამდვილი ვინაობის შესახებ სიმართლეს იკვლევენ, კითხვა "ვინ არის სოლტი" უპასუხოდ რჩება.
ნიკ კასავეტესის 2002 წლის ფილმი, მთავარ როლში დენზელ ვაშინგტონით. დენზელი ასრულებს ჯონ ქუინსი არჩიბალდის როლს, რომლის ვაჟს მძიმე დაავადების დიაგნოზს დაუსვამენ, ბიჭს გულის ტრანსპლანტაცია სჭირდება. ოპერაციას დაზღვევა ვერ ფარავს, ჯონი მძევალს აიყვანს და ითხოვს შვილი დონორთა სიაში ჩასვან...
მამას შვილის მკუნალობის ხარჯები არ გააჩნია. ბოლო გზა რჩება, ხარბ თანამშრომელთან ერთად კაზინო გაძარცვოს. როცა ყველაფერი აირევა, იძულებული გახდებიან ავტობუსი გაიტაცონ…
1974 წელი. ფრანგი ბაგირზე მოსიაურულე ფილიპ პეტი გადაწყვეტს ნიუ-იორკში მსოფლიო სავაჭრო ცენტრის ტყუპ შენობებს შორის გაიაროს. ბაგირი ამ ორ ცათამბჯენს შორისაა გადაჭიმული. ფილმი გადაღებულია ფილიპ პეტის ავტობიოგრაფიული რომანის "მიწვდე ღრუბლებს" მიხედვით.
ფილმში მოქმედება 2004 წელს ვითარდება. ადგილობრივი დეტექტივი ჰარი ჰოლე იძიებს ოსლოში მომხდარ რამდენიმე იდუმალ მკვლელობას. ყველა მსხვერპლი გათხოვილი შვილიანი ქალია, ხოლო დანაშაულის ადგილზე რამდენიმე დღის შემდეგ ყოველთვის ჩნდება თოვლისგან გაკეთებული თოვლის კაცი. ჰარი იწყებს პოლიციის არქივების კვლევას და მალევე აღმოაჩენს რამდენიმე შემთხვევას, რომელშიც მკვლელობის ადგილზე ფიგურირებს თოვლის კაცი. როგორც ჩანს, ის პირველი ნორვეგიელი სერიული მკვლელის კვალზე გავიდა. ახლა კი მისი ამოცანაა – იპოვოს დამნაშავე…
როდესაც სერიულ მკვლელს, ოკულტისტ "ჯადოქარს", ლორდ ბლექვუდს ბოლოსდაბოლოს დაიჭერენ, ლეგენდარულ გამომძიებელ შერლოკ ჰოლმსსა და მის ასისტენტს, დოქტორ ვატსონს შანსი ეძლევათ კიდევ ერთი საქმე წარმატებით დაასრულონ. მაგრამ, როდესაც ბლექვუდი სასწაულებრივად აღსდგება საფლავიდან და განაგრძობს მკვლელობებით გართობას, ჰოლმსი კვლავ მასზე ნადირობას იწყებს. პარტნიორის საცოლესთან და სკოტლანდ იარდის სულელ უფროსთან დაპირისპირებულმა უშიშარმა დეტექტივმა უნდა გახსნას საქმე, რომელსაც მკვლელობათა აბურდულ ქსელთან, ღალატთან და შავ მაგიასთან მივყავართ. ამასთანავე, მან ირენ ადლერის მომაკვდინებლად მაცდუნებელ შემოტევებს უნდა გაუძლოს.
სამხრეთ ბოსტონის ირლანდიელ მაფიოზთა კლანის დასამარცხებლად პოლიცია ფარულად თანამშრომელს შეაგზავნის, რათა შიგნიდან ინფორმაცია მიიღოს. ისინი ვერ ხვდებიან, რომ სინდიკატმაც მსგავსი რამ განახორციელა. როდესაც შეგზავნილი პოლიციელი მაფიის უფროსს დაუახლოვდება, პარალელურად პოლიციაში შეპარულ კრიმინალს კარიერაში წარმატებები აქვს და აწინაურებენ, მაგრამ ორივე მხარე მალევე აღმოაჩენს, რომ მათ შორის დამსმენია...
მაიკ ფელონი ცნობილია იმით რომ ყველა მის მიერ ჩადენილ დანაშაულს უბედურ შემთხვევად აქცევს. მაგრამ მისი დამოკიდებულება საქმისადმი იცვლება, როდესაც მისი ყოფილი შეყვარებული იღუპება...
მისი აღმზრდელის, ბამფი ჯონსონის სიკვდილის შემდეგ, ფრენკ ლუკასი ჰარლემში ჰეროინის პირველი შემომტანი ხდება. მას ნარკოტიკი სამხრეთ-აღმოსავლეთ აზიიდან შემოაქვს და შემოტანის თავისი უნიკალური ხერხი აქვს მოფიქრებული...
პატარძალი შეუპოვრად აგრძელებს "ხმაურიან გააფთრებულ შურისძიებას" მკვლელების ბანდის წინააღმდეგ, რომლებიც მისი და მისი შვილის მოკვლას ცდილობენ. ქალი რიგრიგობით გამოეცხადება ყველა მის ყოფილ პარტნიორს და მსხვერპლებს სათითაოდ შლის მოსაკლავი ხუთეულის სიიდან, სანამ სიაში მარტო ერთი სახელი - ბილი არ დარჩება.