ბოროტი დრაკონი ენდერი - ყველაფრის განადგურებას იწყებს, რაც ახალგაზრდა გოგონას და მის თავგადასავლებისთვის არც ისე შესაფერის მეგობრებს ჯადოსნური სამყაროს გადასარჩენად ბრძოლას აიძულებს...
1937 წლის მიუზიკლის ეკრანიზაცია. ჯადოსნური მუსიკალური მოგზაურობა უკვდავ ისტორიაში საყვარელ პერსონაჟებთან - მორცხვთან, უფროსთან, მძინარასთან, ბუზღუნასთან, ბედნიერასთან, ცხვირცემინასთან და დაბნეულასთან ერთად...
მას შემდეგ, რაც მოანა წინაპრების ძახილს გაიგონებს, ის ოკეანიის შორეულ, სახიფათო ზღვებში იწყებს მოგზაურობას და ისეთ თავგადასალში აღმოჩნდება, რაც აქამდე არასდროს გადახდენია...
კროკეტ ჯონსონის ამავე სახელწოდების საბავშვო წიგნზე დაფუძნებული ანიმაციური ფილმი ცნობისმოყვარე პატარა ბიჭის ჰაროლდის შესახებ, რომელსაც ძალიან უყვარს ხატვა, შიშობს, რომ ახალი ძმის დაბადება დაანგრევს მის ცხოვრებას. თავისი ჯადოსნური იისფერი ფანქრით ის გადადის ფანტასტიკურ სამყაროში, რომელშიც მონსტრი იტაცებს მის უმცროს ძმას. ახლა როდესაც ორსულობის დროს რეალური გართულებები წარმოიქმნება, ჰაროლდმა უნდა გამოასწოროს თავისი შეცდომები...
გარფილდი ველური თავგადასავლისთვის ემზადება. დიდი ხნის დაკარგული მამის კატა ვიკის მოულოდნელი ვიზიტის შემდეგ - გარფილდი და ოდი იძულებულები არიან, კომფორტული ცხოვრება დათმონ და ვიკს დაუჯერებელ, სარისკო ძარცვაში გაჰყვნენ...
გემის კატასტროფის შემდეგ ჭკვიანი რობოტი მოხვდება დაუსახლებელ კუნძულზე, სადაც მხოლოდ ცხოველები არიან, დროთა განმავლობაში ეს რობოტი იწყებს მათთან კომუნიკაციას და ცდილობს დაეხმაროს მათ...
მას შემდეგ, რაც პო სიმშვიდის ველის სულიერი ლიდერი ხდება, მან უნდა იპოვოს და გაწვრთნას ახალი მეომარი დრაკონი ბოროტ ჯადოქართან საბრძოლველად, რომელიც აპირებს, რომ გამოიძახოს ყველა ის ბოროტმოქმედი, რომელიც პომ სულების სამყაროში გაგზავნა...
ფილმი მოგვითხრობს ახალგაზრდა გმირის შესახებ, რომელსაც სხვა ადამიანების წაროსახვითი მეგობრების დანახვა, მათი მოსმენა და ასევე მათთან მეგობრობა შეუძლია, ვინც დავიწყებული ან უარყოფილი იქნა. თუმცა, ყველაფერი რთულდება, როდესაც აღმოაჩენს, რომ ზოგიერთი წარმოსახვითი მეგობარი, რომლებსაც სიყვარული და მეგობრობა აკლიათ, სამწუხაროდ, ბნელ მხარეს გადადიან. სწორედ ამიტომ, ახალგაზრდა გმირმა ბოროტად ქცეული წარმოსახვითი მეგობრებისგან უნდა გადაარჩინოს სამყარო...
გრუ, ლუსი, მარტო, ედიტი და აგნესი ოჯახის ახალ წევრს ეგებებიან - გრუ უმცროსს, რომელიც მამას ცხოვრებას ჯოჯოხეთად უქცევს. გრუ ახალ მეტოქეს - მაქსიმ ლე მალს და მის შეყვარებულს ვალენტინას უნდა შეებრძოლოს, რა დროსაც მის ოჯახს გაქცევა მოუწევს...
როდესაც უოკერების ოჯახის წევრები სხეულებს უცვლიან ერთმანეთს იშვიათი პლანეტარული განლაგების დროს, მათი მხიარული მოგზაურობა ნორმალურ მდგომარეობაში დაბრუნებისკენ - მათ იმაზე უფრო მეტად დააახლოვებს, ვიდრე ოდესმე ეგონათ...
ანიმაცია გვიყვება ახალგაზრდა გოგონას აშას შესახებ, რომელიც ვარსკვლავს სურვილს ჩაუთქვამს და იღებს იმაზე პირდაპირ პასუხს, ვიდრე ელოდა, როცა ონავარი ვარსკვლავი მასთან დედამიწაზე ჩამოვა...
როდესაც ისინი მონსტრების აკადემიაში მეორე კურსზე შედიან, კლოდინ ვოლფი, დრაკულაურა და ფრენკი სტეინი ახალ სტუდენტებს, ახალ ძალებს და კიდევ უფრო დიდ საფრთხეს აწყდებიან, რამაც შეიძლება არა მხოლოდ გაანადგუროს მათი მეგობრობა, არამედ სამუდამოდ შეცვალოს სამყარო.
მორცხვი მოზარდი გაიგებს, რომ მისი წინაპრები ლეგენდარული ზღვის ურჩხულის კრაკენის სამეფო ოჯახის წევრები არიან და მისი ადგილი წყლის სიღრმეშია, რაც იმაზე დიდია, ვიდრე ოდესმე წარმოედგინა...
უსაზღვრო უკრაინული ტყეები დიდი ხანია ბევრ საიდუმლოს მალავს. აქ, საუკუნოვან ხეებს შორის, ცხოვრობენ უჩვეულო მითიური არსებები, რომლებიც იცავენ თავიანთ სამყაროს ადამიანის თვალისგან. მავკა – ტყის მომხიბვლელი ნიმფაა. მისი მთავარი მოწოდებაა დაიცვას ტყე და მისი გული – თავად სიცოცხლის წყაროები – ნებისმიერი ხელყოფისგან, მათ შორის ადამიანებისგან. ლუკაში – მუსიკის მოყვარული, ჩვეულებრივი ბიჭია, რომელიც მთელ თავის ნიჭს ფლეიტაზე დაკვრაში დებს. სწორედ ბიჭის მუსიკის წყალობით ხდება სასწაული: მავკა და ლუკაში ხვდებიან და ერთმანეთი შეუყვარდებათ...
სანტექნიკოსი სახელად მარიო მის ძმასთან ლუიჯისთან ერთად მიწისქვეშა ლაბირინთში მოგზაურობს და დატყვევებული პრინცესას გადარჩენას ცდილობს. ფილმი პოპულარული ვიდეოთამაშის ეკრანიზაციაა....
არქეოლოგი ტადეო ჯონსის თავგადასავლების გაგრძელება, რომელსაც ძალიან სურს, რომ მისმა კოლეგებმა ის თავისიანად მიიღონ, მაგრამ ტადეო ყოველთვის ყველაფერს აფუჭებს, რომელიც ერთ დღეს შემთხვევით ანადგურებს სარკოფაგს და უძველეს ჯადოქრობას აღვიძებს, რაც საფრთხეს შეუქმნის მისი მეგობრების მუმიას, ჯეფის და ბელიცონის სიცოცხლეს. როდესაც ყველა მის წინააღმდეგაა, მხოლოდ სარას დახმარებით, მთავარი გმირი იწყებს თავგადასავალს, რომელსაც ტადეო მექსიკიდან ჩიკაგოში და პარიზიდან ეგვიპტეში მიჰყავს, რათა ბოლო მოუღოს მუმიის წყევლას.
ჩვენს წელთაღრიცხვამდე 50 წელია. ჩინეთის იმპერატორი დატყვევებულია მოღალატე პრინცის დენგ ცინ ქინის მიერ ტახტის მიტაცების შემდეგ. ფინალთეზისის, ფინიკიელი ვაჭრისა და ერთგული მცველის მაი ვეის დახმარებით იმპერატორის ერთადერთი ქალიშვილი პრინცესა სას-ი გალში გაიქცევა, რათა დახმარება ორ გულად მეომარს - ასტერიქსს და ობელიქსს სთხოვოს, რომლებიც ჯადოსნური ელექსირის წყალობით ზედამიანურ ძალებს ფლობენ. ჩვენი ორი განუყრელი გმირი სიხარულით თანხმდება პრინცესას დახმარებაზე დედის გადარჩენასა და მისი ქვეყნის გათავისუფლებაში. სწორედ ასე იწყება დიდი მოგზაურობა და თავგადასავალი ჩინეთისკენ მიმავალ გზაზე. თუმცა ახალ ტერიტორიებს მოწყურებული კეისარი და მისი უძლეველი არმიაც შუა სამეფოსკენ გადაწყვეტს გამგზავრებას...
სათავგადასავლო ფანტასტიკა, ახალგაზრდა კალებ ჩანინგის შესახებ, რომელიც მთვარის სამთო კოლონიაში გაიზარდა და ახლა, მამის სიკვდილის შემდეგ, იდილიურ შორეულ პლანეტაზე გადასახლებას აპირებს. მაგრამ წასვლამდე, მამის უკანასკნელი სურვილის შესასრულებლად ის და მისი სამი საუკეთესო მეგობარი, დილანი, ბორნი და მარკუსი, ასევე დედამიწიდან ახალმოსული ედისონი იტაცებენ ყველგანმავალ მანქანას, საიდუმლოებით მოცული კრატერის შესასწავლად...
ანიმაციური ფილმის გმირები გადაშენებული საყვარელი ფუმფულა არსებები, სახელად ფლამელები არიან, რომელთაგან ორი, ოპი და ედი შემთხვევით წარსულიდან ჩვენს დროში მოხვდებიან და აღმოაჩენენ, რომ მათი სახეობა გადაშენდა. ახლა მათი თავის და სახეობის გადასარჩენად გმირები თავგადასავლებით სავსე არაჩვეულებრივ და ამაღელვებელ მოგზაურობას იწყებენ, სადაც ისინი კვლავ წარსულში დაბრუნებას და ისტორიის მსვლელობის შეცვლას ცდილობენ.
უენდი დარლინგს, ახალგაზრდა გოგონას მისი ბავშვობის სახლის დატოვების ეშინია. ის გაიცნობს პიტერ პენს - ბიჭს, რომელიც გაზრდაზე უარს ამბობს. მის ძმებთან და ფერიასთან ერთად ის და პიტერი ნევერლენდის ჯადოსნურ სამყაროში მოგზაურობენ. იქ გოგონა შეხვდება ბოროტ მეკობრეთა კაპიტანს - კაპიტან ჰუკს და შეუდგება ამაღელვებელ თავგადასავალს, რომელიც მის ცხოვრებას სამუდამოდ შეცვლის...
მორცხვი 13 წლის ალექსი მიფრინავს კანზას-სიტიდან მექსიკაში ოჯახთან შესახვედრად. იქ ის ხვდება თავის ბაბუას და ლუჩა ლიბრეს ყოფილ ჩემპიონ ჩავას, ბიძაშვილებს მემოს და ლუნას. მაგრამ როგორც კი ალექსი ადაპტაციას იწყებს, ის ბაბუის ბეღელში მცხოვრებ მითიურ პატარა არსებას, ჩუპაკაბრას აღმოაჩენს, რომელსაც იცნობს ჩუპაკაბრას საშინელი ისტორიებიდან. ალექსი მალე გაიგებს, რომ მის ახალ მეგობარს ჩუპას ოჯახთან საიდუმლო ისტორია აქვს, და რომ საშიში მეცნიერი მითიურ არსებას ეძებს, რათა გამოიყენოს მისი ძალა. შედეგად, ჩუპას მოსალოდნელი საფრთხისგან დასაცავად, ახალგაზრდა გმირი თავგადასავალებით სავსე მოგზაურობას იწყებს...
როდესაც დამწყები ახალგაზრდა მეზღვაური ჯესიკა უოტსონი გადაწყვეტს გახდეს ყველაზე ახალგაზრდა ადამიანი, რომელიც მარტო, შეუჩერებლად და დაუხმარებლად დედამიწის ირგვლივ ნავით იმოგზარებს, ბევრი ჩათვლის, რომ ახალგაზრდა გმირის მისია წარუმატებელი იქნება. მაგრამ მისი მწვრთნელისა და მენტორის, ბენ ბრაიანტისა და მისი მშობლების მხარდაჭერით, ჯესიკა მტკიცედ გადაწყვეტს გააკეთოს ის, რაც აქამდე შეუძლებლად ითვლებოდა. საბოლოოდ ის, ოკეანის ერთ-ერთ ყველაზე ურთულეს მონაკვეთს გაივლის 210 დღის განმავლობაში.
როალდ დალის ამავე სახელწოდების საბავშვო რომანზე დაფუძნებული კლასიკური მიუზიკლის “მატილდა” რიმეიკი, ვუნდერკინდი პატარა გოგონას მატილდას შესახებ, რომელიც თავის უსიამოვნო მშობლებთან ცხოვრობს და დადის სკოლაში, რომელსაც მოძალადე დირექტორი მართავს, სადაც მისი კეთილი მასწავლებლის მის ჰანის სახით მონათესავე სულს აღმოაჩენს. შედეგად, ის იძულებული ხდება დაუპირისპირდეს საზოგადოებას, რომელიც უარს ამბობს მის მიღებაზე. მატილდა ცდილობს განავითაროს თავისი უჩვეულო შესაძლებლობები, ისწავლოს და შეიცნოს სამყარო, მაგრამ მოზარდები ყოველმხრივ ხელს უშლიან მის ცნობისმოყვარეობას და ცდილობენ შეზღუდონ იგი. მახვილი გონებითა და უზარმაზარი ფანტაზიით შეიარაღებული, ახალგაზრდა გმირი ბედავს სასწაულებრივად შეცვალოს თავისი ბედი.
ისტორია მოგვითხრობს მორისის - სულელი ქუჩის კატის ამბავს, რომელიც ფულის საშოვნელად იდეალურ სქემას ქმნის. ის პოულობს ბრიყვის გამომეტყველებიან ბავშვს, რომელიც ჩასაბერ საკრავზე უკრავს, თავისი ვირთხების ხროვა ჰყავს და უჩვეულოდ განათლებულია...
ანიმაციური ფილმის “ჩექმებიანი კატა”-ს სიქველი, რომელშიც მოქმედება პირველი ფილმის მოვლენებიდან ორი თვის შემდეგ ვითარდება, როდესაც ჩექმებიანი კატა აღმოაჩენს, რომ თავგადასავლებისადმი მისმა გატაცებამ თავისი შედეგი მოიტანა: მას ახლა ცხრა სიცოცხლედან მხოლოდ ერთი დარჩა. შედეგად, მთავარი გმირი იწყებს ეპიკურ მოგზაურობას, რათა იპოვოს მისტიკური “უკანასკნელი სურვილი” და აღადგინოს თავისი ცხრა სიცოცხლე…
მას შემდეგ, რაც კევინი იპოვის მოჩვენებას სახელად ერნესტს, რომელიც მის ახალ სახლში ბინადრობს, ის სოციალური მედიის სენსაციად იქცევა. თუმცა როცა კევინი და ერნესტი გარდაცვლილის წარსულის გამოძიებას იწყებენ, ისინი დაზვერვის სააგენტოს სამიზნეები ხდებიან...
ტომასი და ბეა დაქორწინდნენ, ახლა პიტერთან და მის კურდღლების ოჯახთან ერთად ცხოვრობენ. ბაღში ცხოვრებით თავმობეზრებული პიტერი დიდ ქალაქში წავა, გაიცნობს საეჭვო პერსონაჟებს და მთელ ოჯახს ქაოსსა და აურზაურში გაჰხვევს...
ახალგაზრდა გოგონა აღმოაჩენს საოცნებო სამყაროს - ძილის ქვეყნის რუკას. ექსცენტრიკული კრიმინალის დახმარებით ის სიზმრებსა და კოშმარებში მოგზაურობს, რათა მისი გარდაცვლილი მამა კიდევ ერთხელ ნახოს...
მიუხედავად იმისა, რომ ოჯახის უფროსი წევრები მუსიკას უკრძალავენ, მიგელი ოცნებობს გახდეს სრულყოფილი მუსიკოსი, როგორც მისი კუმირი მიგელ დე ლა კრუსია. ნიჭისა და ტალანტის დამტკიცებისგან გადაღლილი და სასოწარკვეთილი მიგელი აღმოაჩენს განსაცვიფრებელ, ფერად სამყაროს მუსიკალური წვეულებების მთელი ჯაჭვით. გზად იგი ხვდება მომხიბლავ, მაგრამ მატყუარა ჰექტორს. ისინი ერთად გაუდგებიან თავგადასავლებით სავსე გზას, რომ ამოხსნან საიდუმლო ამბავი, რომელიც მიგელის ოჯახის ისტორიაში იმალება...
ჟიზელი, რომელიც ქალაქში ცხოვრებითაა იმედგაცრუებული, გარეუბანში ადგილი ვერ დაიმკვიდრა და ბედნიერი დასასრული ადვილად ვერ მოიპოვა, დასახმარებლად ანდალასიის მაგიას მიმართავს. შემთხვევით ის მთელ ქალაქს რეალურ ზღაპრად აქცევს და მისი ოჯახის ბედნიერებას საფრთხეს შეუქმნის. იგი დროის წინააღმდეგ უნდა წავიდეს და შელოცვა ახსნას, რათა გაარკვიოს, რას ნიშნავს რეალურად ბედნიერი დასასრული მისთვის და მისი ოჯახისთვის...
29 წელია, რაც ვიღაცამ შავი ალის სანთელი აანთო და მე-17 საუკუნეში მცხოვრები დები მკვდრეთით აღადგინა და ისინი შურისძიებას აპირებენ. ახლა კი სკოლის სამმა მოსწავლემ გააფთრებული ჯადოქრები უნდა შეაჩეროს და სეილემი განადგურებისგან იხსნას, სანამ ყველა წმინდანის დღე გათენდება...
"საზიზღარი მე"-ს შემქმნელებისგან მინიონებზე შექმნილი მოკლემეტრაჟიანი ფილმების კოლექცია, როგორც "დამხმარე ბორბლები", "ლეკვი" და "ყვითელი ახალი შავია"...
ჰენკი – მამაცი ძაღლია, რომელიც ოცნებობს გახდეს სამურაი, მაგრამ კატების ქალაქში მას არავინ აღიქვამს სერიოზულად. თუმცა, როდესაც ფუმფულა ნინძების არმია მათ ქალაქს მოსპობით დაემუქრება, ჰენკი გადარჩენის ერთადერთი იმედი გახდება. ახლა მისი ბრძენი მასწავლებლისა და ერთგული მეგობრების დახმარებით, მთავარი გმირი მცირე დროში უნდა დაეუფლოს დიდი მეომრის უნარებს. მხოლოდ ამ გზით ექნება მას შანსი, ულვაშებიდან კუდამდე შეიარაღებულ ძლიერ მტერთან გაიმარჯვოს ეპიკურ ბრძოლაში...
თექვსმეტი წლის ჯორჯია ნოლანი ოცნებობს გახდეს მსოფლიოში ნომერი პირველი მეხანძრე. როდესაც იდუმალი ცეცხლის წამკიდებელი იწყებს ბროდვეის დაწვას, ხოლო ქალაქში მეხანძრეები ქრებიან, ნიუ-იორკის მერი ჯორჯიას მამას, შონს სამსახურიდან ათავისუფლებს. სასოწარკვეთილი მამის დასახმარებლად და მისი ქალაქის გადასარჩენად, მთავარი გმირი ახალგაზრდა მამაკაცად ინიღბება და უიღბლო მეხანძრეების ჯგუფს უერთდება, რომელიც ცდილობს ცეცხლის წამკიდებელი შეაჩეროს...
ახალგაზრდა ჩარლი კინკეიდი საკუთარი სახლის ქვეშ სუპერგმირის საიდუმლო შტაბს აღმოაჩენს. ამ ამბის მეგობრებისთვის გაზიარების შემდეგ ყველა ფიქრობს, რომ ჩარლის მამა შესაძლოა, ორმაგი ცხოვრებით ცხოვრობდეს...
მისიკალური ანიმაციური ფილმი, კინკაჟუს სახელად ვივოს შესახებ, რომელიც მთელ დღეებს თავის საყვარელ მფლობელ ანდრესთან ერთად ჰავანას ხალხით სავსე ხმაურიან მოედანზე მუსიკის დაკვრაში ატარებს. მიუხედავად იმისა, რომ ისინი შეიძლება ერთ ენაზე არ საუბრობდნენ, ვივო და ანდრესი მუსიკისადმი საერთო სიყვარულის გამო იდეალურ დუეტს ქმნიან. მაგრამ როდესაც ტრაგედია დატრიალდება ყველაფერი იცვლება და ვივოს განსაკუთრებული მისია ეკისრება...
ამერიკული კალათბურთის თანმედროვე ვარსკვლავი ლებრონ ჯეიმსი შვილთან ერთად ეპიკურ მოგზაურობას წამოიწყებს. ეს ვირტუალური თავგადასავალი, რომელსაც ორი სამყაროს გიჟური არევა გამოიწვევს – მოგვითხრობს, თუ რამდენად შორს არიან წამსვლელი მშობლები, რომ შვილებთან ურთიერთობა დაალაგონ. ლებრონი და მისი უმცროსი ვაჟი დომი, რომელიც ვიდეო თამაშების დეველოპერობაზე ოცნებობს, ბოროტი ხელოვნური ინტელექტის ციფრული სამყაროს ხაფანგში აღმოჩნდებიან. იმისათვის, რომ შინ უსაფრთხოდ დაბრუნდნენ, ლებრონმა სრულიად არადისციპლინირებულ გუნდს უნდა უხელმძღვანელოს, და კალათბურთის უდიდესი ვარსკვლავების ციფრული ვერსიების წინააღმდეგ უნდა გაიმარჯვოს...
ანიმაციის ახალ ნაწილში ტიმი და მისი "ბოსი ბავშვი" ტედი უკვე ზრდასრული ადამიანები არიან. მათი ცხოვრების გზები გაიყო - ახლა ტიმი მამა და ქმარია, ხოლო ტედი "CEO". თუმცა, ერთი მოულოდნელობის დამსახურებით ძმებს კიდევ ერთხელ მოუწევთ ერთად მუშაობა...
ყველაზე უცნაური და გოთური - "ადამსების ოჯახი" ახალ თავგადასავალში ეხვევა. ამჯერად ისინი სხვადასხვა პერსონაჟებთან მხიარულ დაპირისპირებაში აღმოჩნდებიან ჩართულნი...
ანიმაციური კომედია, 13 წლის მეი ლის შესახებ, რომელიც პრობლემებსა და მოსიყვარულე დედის ქალიშვილს შორის ორად იხლიჩება. მაგრამ საკუთარ სხეულში, ინტერესებსა და ურთიერთობებში ცვლილებების გარდა, მეი ლი კიდევ ერთი ძალიან უცნაური თავსატეხის წინაშე აღმოჩნდება. ყოველთვის, როდესაც იგი ძალიან ღელავს, მაშინვე გიგანტურ წითელ პანდად იქცევა...
სათავგადასავლო ანიმაციური ფილმი, რომელშიც მოვლენები იმ ეპოქაში ვითარდება, როდესაც საშინელი ურჩხულები დაცურავდნენ ზღვებში, ხოლო მონსტრებზე მონადირეები ცნობილი გმირები იყვნენ, და არავინ იყო ისე პატივსაცემი, როგორც დიდებული ჯეიკობ ჰოლანდი. ფილმი ახალგაზრდა გოგონას მეისი ბრამბლის შესახებ მოგვითხრობს, რომელიც ჯეიკობის გემზე იმალება, სადაც ყველაფერი, რაც ლეგენდარულმა ზღვის ურჩხულებზე მონადირემ იცოდა, თავდაყირა დადგება, როდესაც აღმოაჩენს, რომ გოგონა ერთ-ერთ ყველაზე სასტიკ და საშიშ ზღვის ურჩხულს დაუმეგობრდა ღია ზღვაში. შედეგად, გმირები მოულოდნელ კავშირს ქმნიან და ერთად იწყებენ ეპიკურ მოგზაურობას ამოუცნობ წყლებში, რომელსაც მივყავართ იქ, სადაც რუკა მთავრდება და იწყება ნამდვილი თავგადასავალი...
ნიკოლასი დაუნის სინდრომის მქონე 10 წლის ბავშვია, რომელსაც დედა ყოველ წელს ახალ საკარნავალო კოსტიუმს უმზადებს. მას აქვს მაიმუნის, მამაცი მეკობრის, დრაკონის ფორმები. თუმცა სამწუხაროდ მოულოდნელად დედა გარდაიცვლება, რის შემდეგაც ნიკოლასს ბებია ბაბუასთან და ბიძაშვილთან მოუწევს საცხოვრებლად გადასვლა, რომელსაც კოშმარები სტანჯავს.
მთავარმა გმირმა და დიდებულმა მეომრებმა ძალები უნდა გააერთიანონ და ერთად წავიდნენ ეპიკური მოგზაურობაში, რათა ჯადოქართა იდუმალ ორდერს შეებრძოლონ, რომელიც მსოფლიოს დაპყრობას აპირებს.
პოპულარული ანიმაციური კომედიური ფრენჩაიზის “სასტუმრო ტრანსილვანია“-ს მეოთხე და დასკვნითი ნაწილი, სასტუმროს მფლობელი გრაფი დრაკულასა და მისი საყვარელი მონსტრების ოჯახის ახალი თავგადასავლების შესახებ, რომლის ბნელ ციხე-სასტუმროში მონსტრები ცივილიზაციისგან და ადამიანის თვალისგან შორს ისვენებენ, სადაც ყველაფერი თავდაყირა დადგება, როდესაც ლეგენდარული პროფესორის აბრაამ ვან ჰელისგინის იდუმალი გამოგონება, “მონსტრიფიცირების სხივი” გაფუჭდება და შემთხვევით დრაკულას და მის მეგობრებს ადამიანებად, ხოლო ჯონის – პირიქით, მონსტრად გადააქცევს.
სამყაროში, სადაც მონსტრების შერკინება საერთაშორისო სპორტია და ურჩხულები სუპერვარსკვლავი ათლეტები არიან, მოზარდი უინი ოცნებობს, მამის კვალს გაჰყვეს და რომელიმე უიღბლო მონსტრი ჩემპიონად აქციოს...
მეთ ჰეიგის ამავე სახელწოდების საერთაშორისო ბესტსელერზე დაფუძნებული ფენტეზური დრამა, ახალგაზრდა ნიკოლასის თავგადასავლების შესახებ, რომელიც შობის გმირი გახდება. ნიკოლასი ჩვეულებრივი ბიჭია, რომელიც მამის გაუჩინარების შემდეგ მის გადასარჩენად, ჩრდილო პოლუსზე წავა, სადაც ჯადოსნური სამყაროს აღმოაჩენის შემდეგ, ელფების სოფელში შობის სულს დააბრუნებს...
ჯ. ე. უაიტის ამავე სახელწოდების საბავშვო წიგნის ადაპტაცია, საშინელი ისტორიებით შეპყრობილი ბიჭის სახელად ალექსის შესახებ, რომელიც ბოროტი ახალგაზრდა ჯადოქრის ჯადოსნური ბინის ხაფაზნგში მოხვდება. ახლა იმისათვის, რომ თავიდან აიცილოს გარდაუვალი სიკვდილი, ალექსიმ ჯადოქარს ყოველ ღამე საშინელი ამბავი უნდა მოუყვეს, სადაც ის ჯადოქრის კიდევ ერთ ტყვე გოგონას, იაზმინს შეხვდება. მათ ახლა თავიანთი უნარები ბოლომდე უნდა გამოიყენონ, რათა მისი ბინის სხვადასხვა საფრთხეებით სავსე ლაბირინთებიდან გაიქცნენ.
როცა მებაღე-ასტრონავტი უკაცრიელ პლანეტაზე დაეშვება, მას არაამქვეყნიური სტუმარი ეწვევა. ის ახალი ცხოვრების დაწყების ბედნიერებით ტკბება და აღმოაჩენს, რომ სამყარომ მას რაღაც გასაოცარი აჩუქა.
