თითქმის 30 წლის ჯული იძულებულია აღიაროს, რომ მას ჯერ არაფერი გაუკეთებია ცხოვრებაში და ნაკლებად სავარაუდოა რამე შეიცვალოს უახლოს მომავალში. ამ დროს მისი 44 წლის მეგობარმა ბიჭმა აკსელიმ მიაღწია წარმატებას და ახლა ჯულისთან ოჯახის შექმნა სურს. ერთ ღამეს ჯული წვეულებაზე მოხვდება, სადაც მიმზიდველ და ენერგიულ ახალგაზრდა ევინდს გაიცნობს. მასთან გატარებული ღამის შემდეგ ჯული ძველი ურთიერთობის დასრულებას და ცვლილებების იმედით ახალ პარტნიორთან ერთად ცხოვრებას გადაწყვეტს. ერთი წლის შემდეგ ჯული გაიგებს, რომ აკსელი მძიმედ არის ავად და მას საავადმყოფოში სტუმრობს.
მელანი პარკერი არქიტექტორი და სემის დედაა, ჯეკ ტეილორი გაზეთის ჟურნალისტი და მეგის მამა. ორივენი მეუღლეებს გაცილებულები არიან. ერთ მშვენიერ დილას ისინი ერთმანეთს შეხვდებიან, მაშინ როდესაც ჯეკს მეგის დაუტოვებენ და მას დაავიწყდება, რომ ბავშვი სკოლაში მისაყვანად მელანის უნდა ჩააბაროს. საბოლოოდ გამოვა, რომ ორივე ბავშვი დააგვიანებს სკოლის ექსკურსიაზე და მშობლებთან დარჩება...
ჟურნალ "LIFE"-ის ფოტო მენეჯერი უცნაური ადამიანია, ის მუდმივად ოცნებაშია და ხშირად რეალობის აღქმა უჭირს. ერთხელაც ის მიემგზავრება დაკარგული ნეგატივის საპოვნელად...
სათავგადასავლო კომედია, შეყვარებული წყვილის მარკუსის და ემილის შესახებ, რომლებიც მექსიკის კურორტზე ველურ, მძაფრ შეგრძნებებს მოწყურებულ და წვეულებების მოყვარულ წყვილს რონს და კაილის დაუმეგობრდებიან. ამ მომენტამდე ჩვეულებრივ გაწონასწორებული წყვილი მარკუსი და ემილი მათ ახალ მეგობრებთნ ერთად ერთკვირიანი დაუღალავი გართობისა და გარყვნილების მოწყობას გადაწყვეტენ. ველურ ბუნებაში გაგულავებიდან რამდენიმე თვის შემდეგ მარკუსი და ემილი შოკირებულები აღმოჩნდებიან, როდესაც მათ ქორწილში რონი და კაილი დაუპატიჟებლად გამოჩნდებიან, სადაც ისინი ქაოს ქმნიან და ამტკიცებენ, რომ ის რაც არდადეგებზე ხდება, არ არის აუცილებელი არდადაგებში დარჩეს...
პოპულარული ანიმაციური კომედიური ფრენჩაიზის “სასტუმრო ტრანსილვანია“-ს მეოთხე და დასკვნითი ნაწილი, სასტუმროს მფლობელი გრაფი დრაკულასა და მისი საყვარელი მონსტრების ოჯახის ახალი თავგადასავლების შესახებ, რომლის ბნელ ციხე-სასტუმროში მონსტრები ცივილიზაციისგან და ადამიანის თვალისგან შორს ისვენებენ, სადაც ყველაფერი თავდაყირა დადგება, როდესაც ლეგენდარული პროფესორის აბრაამ ვან ჰელისგინის იდუმალი გამოგონება, “მონსტრიფიცირების სხივი” გაფუჭდება და შემთხვევით დრაკულას და მის მეგობრებს ადამიანებად, ხოლო ჯონის – პირიქით, მონსტრად გადააქცევს.
სამყაროში, სადაც მონსტრების შერკინება საერთაშორისო სპორტია და ურჩხულები სუპერვარსკვლავი ათლეტები არიან, მოზარდი უინი ოცნებობს, მამის კვალს გაჰყვეს და რომელიმე უიღბლო მონსტრი ჩემპიონად აქციოს...
უიმედო რომანტიკოსი, მაგრამ მარად მარტოსული ლოს-ანჯელესელი ჟურნალისტი - ნატალი, სასიყვარულო ცხოვრების მოწყობას გაცნობის აპლიკაციის დახმარებით ცდილობს, სადაც მას ერთი შეხედვით იდეალური ბიჭი ტეგი შეუყვარდება. შედეგად, მისი გულისთვის, ნატალი ქვეყნის მეორე ბოლოში მიფრინავს სიურპრიზის მოსაწყობად. თუმცა, ქალაქში ჩასვლისთანავე, მთავარი გმირი აღმოაჩენს, რომ ტედი არ არის ის, რადაც თავს ასაღებდა...
კრიმინალური კომედია, ლონდონში მცხოვრები ახალგაზრდა წყვილის ლინდას და ბექსტონის შესახებ, რომლებიც დაშორებას გადაწყვეტენ, მაგრამ ქალაქში COVID-19-ის პოანდემიით გამოწვეული კარანტინის გამო, ახალგაზრდა გმირები საკუთარი ბინის ხაფანგში აღმოჩნდებიან, სადაც ახლა მათ 24 საათის განმავლობაში, დისტანციურ მუშაობასა და გაუთავებელ დავებს შორის გარკვეული დროით ერთად ცხოვრება მოუწევთ, რომელიც მათთვის ნამდვილი გამოცდა გახდება. თუმცა კარანტინში ყოფნა, ლინდას და ბექსტონის მოულოდნელად აერთიანებს. შედეგად, ისინი დროებით უთანხმოების დავიწყებას და პანდემიის გამოყენებას გადაწყვეტენ, რათა ლონდონის ცნობილი საიუველირო მაღაზია Harrods-დან 3 მილიონ დოლარად შეფასებული ბრილიანტი მოიპარონ...
ქალიშვილის დაკარგვის შემდეგ, წყვილი ურთულეს პერიოდს გადის, რის გამოც ჯეკი პროფესიონალური დახმარების მისაღებად ფსიქოლოგიურ ცენტრში მიდის, იმ დროს, როცა ლილი “რეალურ” სამყაროში რჩება და ცდილობს გაუმკლავდეს საკუთარ მწუხარებას. თითქოს ეს არ იყო საკმარისი, შოშია, რომელმაც მისი სახლის უკანა ეზოში დაიდო ბუდე, მის შევიწროვებას და თავდასხმას იწყებს, რის შედეგადაც ლილი კომიკურად შეპყრობილი ხდება მისი მოკვლით. საბოლოოდ მთავარი გმირი შველას უცნაურ ყოფილ ფსიქოლოგთან, ლარისთან პოულობს, რომელსაც თავისი მშფოთვარე წარსული აქვს და ახლა ვეტერინარად მუშაობს. გმირები უნიკალურ მეგობრობას ქმნიან, რადგან თითოეული მათგანი ეხმარება ერთმანეთს შეისწავლონ, გააცნობიერონ და გადაჭრან თავიანთი პრობლემები.
ხარბი პროდიუსერი მაქს ბარბერი გადაწყვეტს სახიფათო ახალი ფილმი გადაიღოს. ყველაფერი კი მხოლოდ იმისთვის , რომ მთავარი მსახიობი მოკლას და დაზღვევის ფული მიიღოს , მაგრამ როცა როლზე დიუკ მონტანას დაამტკიცებს , წარმოდგენაც კი არ აქვს , რომ მოხუცი მამაკაცი ,რომელიც ყოველთვის მსახიობობაზე ოცნებობდა , კამერების წინაშე ასე წარსდგება. ფილმის გადაღებები ისე კარგად მიმდინარეობს , რომ მსახიობის მოკვლა მაქსს უკვე შეუძლებლად ეჩვენება . ეს ფილმი მაქსის კარიერის მწვერვალი გახდება.
სკუბი-დუ და მშიშარა ძაღლი ერთიანდებიან მას შემდეგ, რაც ისინი კანზასის შტატის ქალაქ არსადში უცნაური არსების კვალს მიაგნებენ. მალე იდუმალი არმოჩენა მათ გიგანტური მონსტრის და მისი სულელი ფრთოსანი მეომრების კვალზე მიჰყავს. ფრედი, ველმა, დაფნა და შაგი აცნობიერებენ, რომ ამ საქმეს ისინი ვერ გაუმკლავდენიან და თავსატეხის ამოსასხნელად ძაღლების დუეტის დახმარება დასჭირდებათ. ახლა შეძლებენ თუ არა სკუბი-დუ და მშიშარა ძაღლი თავიანთი მღელვარების დაძლევას და მონსტრების არმიის დამარცხებას, სანამ მთელი სამყარო განადგურდება?
მიჩელე ცამეტი წლისაა, მორცხვი და სკოლაში არაპოპულარული ბიჭია, რომელსაც სტელა უყვარს. ჰელოუინის წვეულების კოსტუმს რომ ჩაიცვამს, აღმოაჩენს, რომ უჩინარია.
ეყრდნობა დისნეილენდის პარკში არსებულ ატრაქციონს, პატარა ნავს, რომელიც მოგზაურთა ჯგუფს სახიფათო ცხოველებითა და რეპტილიებით სავსე ჯუნგლებში მიუძღვება, ამას ემატება ზებუნებრივი ელემენტებიც...
მისტერ პოპერი მარტოხელა მუშაა, რომელიც არქტიკაზე მოხვდერაზე ოცნებობს და წერილებს წერს პოლუსებზე მყოფებს. ერთ დღესაც მის კარებთან ტოვებენ ყუთს შესანიშნავი ორი პინგვინით. პოპერი მათ თავის მაცივარში ასახლებს. ისინი ნელ-ნელა მრავლდებიან და ცდილობენ მისტერ პოპერი სახლიდან გამოაგდონ. პოპერი გამოსავალს პოულობს: იგი ქმნის კერძო ცირკს.
1999 წლის კლასიკური თინეიჯერული კომედიის “ეს სულ ისაა” თანამედროვე რიმეიკი, ლამაზმანი სკოლის მოსწავლის პეჯეტის შესახებ, რომელიც ინსტაგრამზე პირდაპირი ტრანსლაციის დროს თავის მეგობარ ბიჭს დაშორდება. ახლა მას სჭირდება არა მხოლოდ მისი შელახული თავმოყვარეობის კომპესირება, არამედ სკოლაში დაცემული სოციალური რეიტინგის გამოსწორება, და გამოსაშვებ ცერემონიაზე გამარჯვებულად წარდგენა. შედეგად, ახალგაზრდა გმირი სკოლაში ყველაზე არაპოპულარული და დავიწყებული ბიჭის სექსუალურ ლამაზ მამაკაცად ქცევას გადაწყვეტს. მისი არჩევანი კამერონზე შეჩერდება – არაკომუნიკაბელური ბოტანი, რომელსაც ყველა თავს არიდებს.
მომხიბლავი და თავდაჯერებული, მარლა გრეისონი – სასამართლოს მიერ დანიშნული მოხუცების პროფესიონალი მეურვეა, რომელთა ქონებას ის საეჭვო, მაგრამ კანონიერი საშუალებებით ითვისებს. ეს კარგად გააზრებული რეკეტია, რომელსაც მარლა და მისი ბიზნეს პარტნიორი და საყვარელი ფრანი ბრუტალური ეფექტურობით იყენებენ თავიანთი უკანასკნელი მსხვერპლის, უმემკვიდრეო და უოჯახო მდიდარი პენსიონერის – ჯენიფერ პატერსონის მიმართ. მაგრამ როდესაც გაირკვევა, რომ მათ მსხვერპლს არანაკლებ ბნელი საიდუმლოებები და საშიშ განგსტერებთნ კავშირი აქვს, მარლა იძულებული ხდება თამაშის დონე აწიოს, რომელშიც თამაში მხოლოდ მტაცებლებს შეუძლიათ...
იდუმალებით მოცული საიდუმლო სამსახურის ყოფილი აგენტი საფრანგეთში უნდა დაბრუნდეს, როცა მის შვილს სახელმწიფო იარაღითა და ნარკოტიკით ვაჭრობის ცრუ ბრალდებას წაუყენებს. რასაც დაუსრულებელი ბიუროკრატია და მაფიის ოპერაცია მოჰყვება...
ფილმის მთავარი გმირი ლინდია, დაცვის თანამშრომელი, რომელსაც ბრაზის შეკავების სერიოზული პრობლემა აქვს, რასაც ელექტროდებიანი ჟილეტის საშუალებით აკონტროლებს...
სექსუალური სურვილების მქონე ბაბუა თავის შვილიშვილს სთხოვს გაყვეს ერთდღიან მოგზაურობაში, როგორც ჩანს ეს გასეირნება შვილიშვილის ცხოვრებას სამუდამოდ შეცვლის...
ზაფხულში, სანამ ელი კოლეჯში გაემგზავრება, საიდუმლო გადაწყვეტილება აქვს მისაღები. ელი მიიღეს ჰარვარდშიც, სადაც მისი შეყვარებული ისწავლის, და ბერკლიშიც - სადაც მისი საუკეთესო მეგობარი, ლიც ჩაირიცხა. ახლა კი უნდა გადაწყვიტოს, დარჩება თუ არა...
ტესი ამბიციური მდივანია, რომელსაც წარმატებისკენ თავდაუზოგავი შრომა ახასიათებს. როდესაც მისი უფროსი დასვენებისას ფეხს იტკენს, ტესი ამაში დიდებულს შანსს დაინახავს და მის ადგილს დაიკავებს...
დისკრედიტებულ საზღვაო ფლოტის სამხედრო მოსამსახურეს შეინ ვულფს ახალი ფუნქცია აქვს: უნდა დაიცვას პლამერების ხუთი შვილი მათი ახალგარდაცვლილი მამის მტრებისგან. მათი მამა მთავრობაზე მომუშავე მეცნიერი იყო, რომლის საიდუმლო ექსპერიმენტი დამალულია მისივე სახლში სადაც შვილები ცხოვრობენ...
ფილმი მოგვითხრობს 12 წლის ბიჭის ისტორიას, რომელიც მშობლების განქორწინებას განიცდის. ამ ვითარებაში ის უმეგობრდება ხანშიშესულ ვეტერან მეზობელს, რომელიც ბევრს სვამს, უყვარს აზარტული თამაშები და სუსტი ყოფაქცევის ქალები. და აი, ეს მარტოხელა და არც ისე დადებით ადამიანი ხდება ბიჭის დამრიგებელი...
კეითი მიტჩელი მისთვის საოცნებო კინოსკოლაში მიიღეს. ქეითის უნივერსიტეტში მთელი ოჯახი აცილებს, ამ დროს კი მათ გეგმებს ტექნოლოგიური აჯანყება ჩაშლის. მიტჩელებმა ერთად უნდა იმოქმედონ და სამყარო გადაარჩინონ...
ფილმის სიუჟეტი ერთი ჩვეულებრივი სკოლის მოსწავლის, ლეოს გარშემო ვითარდება, რომლის ცხოვრებაც ვარსკვლავგოგონა ქერევეისთან შეხვედრის შემდეგ იცვლება. ამის შემდეგ ლეო მაგიურ გრძნობათა კორიანტელში ეხვევა!
ბრუკლინელი და-ძმის, პილის და იოანეს მოგზაურობა ჰავაიში წარმოუდგენელ თავგადასავლად იქცევა: ისინი იპოვიან დღიურს, რომელიც დიდი ხნის წინ დაკარგულ საგანძურზე მიუთითებს...
პრინცი ჯოფერი ზამუნდას მეფედ გახდომისთვის ემზადება, როდესაც იგებს რომ მას ამერიკაში ვაჟი ყავს სახელად ლევილი. ამის გამო, პრინცს კიდევ ერთხელ უწევს ა.შ.შ-ს სტუმრობა...
ფილმის სიუჟეტი ჟაკის შესახებ მოგვითხრობს, რომელმაც როგორც იქნა იპოვა სამსახური - ის ადგილობრივ ავტორიტეტს მისი მოღალატე ცოლის მოკვლაზე დათანხმდება, მაგრამ ჟაკმა იარაღის გამოყენება არ იცის...
სხვისი მანქანის დაზიანების შემდეგ, ვალის გადასახდელად ფილმის მთავარი გმირი "ვილის გასართობ ცენტრში" აღმოჩნება, რომელიც სულაც არ არის ისეთი უწყინარი ადგილი როგორიც ეს ერთი შეხედვით ჩანს.
ოჯახში, სადაც დედა და მამა შვილების გიჟურ თხოვნებს მუდმივად ცივი უარით პასუხობენ, ამჯერად ბავშვების დრო დგება - დღე, როდესაც ყველაფერი შეიძლება მოხდეს!
საუკეთესო მეგობრების, ბარბის და სტარის ისტორია, რომლებიც საკუთარ პატარა ქალაქს ცხოვრებაში პირველად ტოვებენ და ვისტა დელ მარსში სამოგზაუროდ მიემართებიან.
ტომის და ჯერის თავგადასავალი ამჯერად ნიუ იორკის ერთ-ერთ ფეშენებელურ სასტუმროში გრძელდება. სასტუმროს თანამშრომელი, კაილა იძულებულია ჯერი სასტუმროში გასამართ ქორწილამდე დაიჭიროს. გამოიცანით, ვის დაიხმარს ის საამისოდ?
ქალაქი გმირებს მოელის, სიბნელემ მოიცვა ნიუ-იორკი. ყველაფერს შრედერი და მისი ბოროტი ფუტების კლანი აკონტროლებს, დაწყებული პოლიციიდან, დამთავრებული პოლიტიკოსებით. მომავალი ბურუსითაა მოსილი მანამ, სანამ, კანალიზაციიდან არ ამოვა და თავისი მოვალეობის შესრულებას არ შეუდგება ოთხი ძმა კუ-ნინძა. კუებმა უნდა იმუშაონ უშიშარ რეპორტიორ ეიპრილთან და მის სარკასტულ ოპერატორ ვერნ ფენვიკთან ერთად, რომ ქალაქი იხსნან და გამოიცნონ შრედერის ვერაგული გეგმა…
მიკი, მინი და მათი ყველასთვის ცნობილი მეგობრები გუფი, დონალდი და პლუტო ერთად შეგროვდებიან იმისათვის, რომ სამი საოცარი შობის ჯადოსნური ისტორია მოგვითხრონ...
წყნარი ამერიკული პროვინციის მაცხოვრებლები აფეთქების და უზარმაზარი ობიექტის კატასტროფის თვითმხილველები გახდებიან. რამოდენიმე დღის შემდეგ ბიჭი სახელად ჰოგარტ ჰიუზი ახლომიდამოემბში გიგანტურ რობოტს იპოვის, რომელიც დედამიწაზე შორეული კოსმოსური გალაქტიკიდან ჩამოფრინდა. მიუხედავად თავისი საშიში შესახედაობის, უცხოპლანეტელი სტუმარი ძალიან კეთილი არსება აღმოჩნდება. რობოტი და ბიჭი ნამდვილი მეგობრები გახდებიან, მაგრამ როდესაც რობოტის არსებობაზე მთავრობა და სამხედროები გაიგებენ, ისინი მის განადგურებას გადაწყვეტენ...
ბოლოსდაბოლოს სრულდება რა წელი, რომლის დასრულებაც ყველას გვსურს, ვნახოთ 2020 წლის შეშლილი დიდებულება ამ კომედიურ რეტროსპექტივაში, რომელიც "შავი სარკის" შემქმნელებს ეკუთვნით.
