სპორტული დრამა, წარუმატებელი პროფესიონალური კალათბურთის სკაუტის სტენლი შუგარმენის შესახებ, რომელიც სამსახურიდან გათავისუფლების შემდეგ, მოუთმენლად ელის საკუთარი ღირსების აღდგენას. სტენლი თავის შესაძლო ხსნას მადრიდის გარეუბანში მდებარე პარკში თამაშის დროს შემთხვევით აღმოჩენილ, მოყვარულ კალათბურთელ ბო კრუსში პოულობს, რომელსაც ნამდვილი ესპანელი კალათბურთელი ხუანჩო ერნანგომესი თამაშობს. შედეგად, ახალი მიზნით შეპყრობილი, მთავარი გმირი ბოს ამერიკაში ჩამოყვანას და NBA-ში სათამაშოდ მის მომზადებას თავის ამოცანად აქცევს, რადგან თვლის, რომ მიუხედავად მისი რთული წარსულისა, ორივეს შეუძლია ამის მიღწევა...
ავა დაუნდობელი მკვლელია, რომელიც ფარული და სადაზვერვო ოპერაციების ორგანიზაციისთვის მუშაობს, მთელი მსოფლიოს მასშტაბით, და გაწაფულია ყველაზე გახმაურებულ მკვლელობებში. როდესაც ერთერთი საქმე სახიფათოდ ჩავარდება, ავას საკუთარი თავის გადარჩენისთვის მოუწევს ბრძოლის გაგრძელება...
ჯორდან ბელფორტის ბიოგრაფიის ეკრანიზაცია. ადამიანის, რომელმაც 1987 წელს დაარსა ნიუ-იორკის ერთ-ერთი ყველაზე დიდი ბროკერული კომპანია, მაგრამ 10 წლის შემდეგ ის დაიჭირეს ფინანსური მაქინაციების გამო. ის გაუმკლავდა ალკოჰოლურ და ნარკოტიკულ დამოკიდებულებას, დაწერა ორი წიგნი და დღესდღეობით კითხულობს ლექციებს თუ როგორ უნდა მიაღწიო წარმატებას...
პარიზი, 2009 წელი. რაფაელი საშუალო სკოლის სტუდენტია, რომელიც დღეებს ატარებს საუკეთესო მეგობართან ერთად, ფელიქსთან, პარალელურად იგი ცდილობს დაასრულოს თავისი პირველი Sci-Fi რომანი, რა დროსაც ის შეხვდება ოლივიას, კიდევ ერთ სტუდენტს, რომელსაც პიანინოზე დაკვრა უნდა. მათი პირველი ჯადოსნური შეხვედრის შემდეგ, ოლივია მისი რომანის დასრულების მიზეზი გახდება. 10 წლის შემდეგ, 2019 წელს, რომანი გახდება ძალიან ცნობილი, ხოლო რაფაელი გახდება წარმატებული მწერალი, რომლის წიგნებიც საუკეთესო გაყიდვებით იქნება გამორჩეული. მას სხვებისთვის დრო აღარ რჩება და ამიტომაც, ოლივიასთან ქორწინება ყოველ ჯერზე უფრო ცივი ხდება. წიგნის დამთავრების და ოლივიასთან დაშორებაზე საუბრის შემდეგ, ისინი წავლენ დასაძინებლად. მეორე დილით, რაფაელი ალტერნატიულ რეალობაში იღვიძებს...
1990 წელი. ახალგაზრდა კომპოზიტორი ჯონი ნიუ-იორკის ერთ-ერთ დაწესებულებაში ოფიციანტად მუშაობს. ის პარალელურად მიუზიკლ "სუპერბიას" წერს, რომელიც როგორც თვითონ თვლის მომავალში ბროდვეის ჰიტად იქცევა და მას სიღარიბისგან თავის დაღწევის საშუალებას მისცემს. ჯონის ცხოვრებაში ყველაფერი რთულადაა. მისი შეყვარებული სიუზანი ლოდინისგან დაიღალა, ხოლო უახლოესმა მეგობარმა კი ოცნებები დაივიწყა და მუშაობა პრესტიჟულ სარეკლამო სააგენტოში დაიწყო. ჯონი მალე 30 წლის გახდება და ის ნერვიულობას იწყებს, რომ წლები უაზროდ გალია...
რეალურ მოვლენებზე დაფუძნებული დრამატული თრილერი, რომელშიც მოვლენები 1990-იან წლებში სომალის ყველაზე მჭიდროდ დასახლებულ დედაქალაქში, მოგადიშოში სამოქალაქო ომის დროს ვითარდება, რომელიც ჩრდილოეთ და სამხრეთ კორეის საელჩოების თანამშრომლების საშიში გაქცევის მცდელობის დეტალებს ასახავს, რომლებიც კონფლიქტის დროს რთულ მდგომარეობაში აღმოჩნდებიან. იზოლირებული და კავშირის გარეშე აღმოჩენილი, სამხრეთ კორეის საელჩოს თანამშრომბლები და მათი ოჯახის წევრები ტყვიებისა და ჭურვების წვიმის ქვეშ მოხვდებიან. ერთ ღამეს ჩრდილოეთ კორეის საელჩოს სამხრეთ კორეის საელჩოს თანამშრომბლები დახმარების თხოვნით მიმართავენ, რომლებსაც ერთი მიზანი ქონდათ – მოგადიშოდან გაქცევა.
ისინი ცხოვრობენ მუსიკალური სამყაროს ცენტრში, ნიუ-იორკში. დენი - შოუ-ბიზნესის ლეგენდა და მუსიკალური ლეიბლის ყოფილი დირექტორი. გრეტა - მუსიკოსი და როკ-მუსიკოსის ყოფილი შეყვარებული. მაგრამ ხალხი ყოფილი ხდება იმისთვის, რათა დაიწყონ ყველაფერი თავიდან…
ორი მკვლელი რეი და კენი ბელგიაში, ბრიუგეში ჩადიან და შემდგომ მითითბებს იქ ელოდებიან. აქ მათ საკმარისი დრო აქვთ იმისათვის, რომ მათი წინა დავალება გაიხსენონ. როდესაც კენი შემდეგ დავალებას მიიღებს, ეს სულაც არ აღმოჩნდება ის, რასაც იგი ელოდა...
უილი სპანის ცხოვრება თავდაყირა დადგება, როდესაც მისი მომავალი ყოფილი მეუღლე ლიზა იდუმალებით მოცულ ვითარებაში უგზო-უკვლოდ ქრება ბენზინგასამართ სადგურზე, სადაც სასოწარკვეთილი უილი მისი მეუღლის პოვნის უიმედო მცდელობაში ადგილობრივ პოლიციას და ლიზას მშობლებს ჩარევს, მაგრამ დრო გადის და მასზე ეჭვები ჩნდება. შედეგად, მთავარი გმირი საკუთარ გამოძიებას იწყებს და ქალაქის კრიმინალურ ქვესკნელში ეშვება...
მოვლენები მექსიკაში მდებარე, იზოლირებულ პატარა ქალაქში ვითარდება და ამერიკელი ეგზორცისტის, მამა პიტერ უილიამსის შესახებ მოგვითხრობს, რომელიც იმ დემონით გახდება შეპყრობილი, რომლის განდევნასაც ცდილობდა. შედეგად ყველაზე საშინელ ცოდვას ჩაიდენს. თვრამეტი წლის შემდეგ, ამ ცოდვის შედეგები კვლავ ბრუნდება, რაც მასში არსებულ ბოროტებასთან უდიდესი ბრძოლის დასაწყისი გახდება...
როდესაც CIA აღმოაჩენს, რომ მისმა ერთ-ერთმა აგენტმა საიდუმლო ინფორმაცია გაავრცელა, რომელმაც 100-ზე მეტი ადამიანის სიცოცხლე შეიწირა, გამოცდილ ოპერმუშაკს ჰენრი პელჰემის ვენის სააგენტოს ყოფილ კოლეგებს შორის მოღალატის გამოვლენა დაევალება. მის გამოძიებას ის ავსტრიიდან ინგლლისში და კალიფორნიაში მიჰყავს, სადაც მთავარი გმირი კვლავ ხვდება თავის ყოფილ კოლეგას და ყოფილ შეყვარებულს, სელია ჰარისონს. ახლა გლობალური ჯაშუშობის, მორალური გაურკვევლობისა და სასიკვდილო ღალატის ამ შთამბეჭდავ ისტორიაში, ახალგაზრდა წყვილი იძულებულია პროფესიასა და ვნებას შორის საზღვრები წაშალოს...
შანგ-ჩი იზოლაციაში გაზრდილი კუნგ-ფუს ოსტატია, რომელიც მამის ხელმძღვანელობით მრავალი ვარჯიშის წყალობით, ბავშვობიდანვე სრულყოფილად აითვისა საბრძოლო ხელოვნება. მას ჰგონია, რომ მისი წარსული უკან მოიტოვა, მაგრამ ის კიდევ ერთხელ ახსენებს თავს, როდესაც მთავარი გმირი "ათი ბეჭდის" ორგანიზაციის მისტიკურ სამყაროში გაეხვევა...
ბეტმენი მეორე წელია, რაც დანაშაულს ებრძვის. იმ დროს, როცა სერიულ მკვლელს - ადამიან გამოცანას უპირისპირდება, გოთემში აღმოაჩენს კორუფციას, რაც მის ოჯახთანაცაა დაკავშირებული...
როდესაც ჯინო ხვდება მრბოლელ ბენედიქტეს - ეს ერთი ნახვით სიყვარულია. ვნებიანი. უპირობო. ცეცხლოვანი. მაგრამ ჯინო საიდუმლოს მალავს. საიდუმლო, რომელსაც შეუძლია საფრთხე შეუქმნას თქვენს სიცოცხლეს და თქვენს გარშემო მყოფთა სიცოცხლეს. ჯინოს და ბენედიქტეს სიყვარულის გადასარჩენად - ბედის, გონების და საკუთარი სისუსტეების წინააღმდეგ ბრძოლა მოუწევთ...
მშვიდი, თუმცა ულმობელი შუასაუკუნეების მებრძოლი თავის სამეფოს ურჩხულებისგან და ოკულტიზმისგან იცავს. მისი თავების კოლექციას ერთი თავი აკლია - თავი ურჩხულისა, რომელმაც მისი ქალიშვილი მოკლა წლების წინ. შურისძიების წყურვილით შეპყრობილი ურჩხულს ყველგან ეძებს, მაგრამ როდესაც მეორე შანსი მიეცემა, იგი ბევრად უფრო საშინელი აღმოჩნდება, ვიდრე ოდესმე წარმოედგინა...
ტრევის ბლოკი საიდუმლო სამთავრობო აგენტია, რომელიც ცდილობს შეეგუოს თავის ბნელ წარსულს. მაგრამ როდესაც სახიფათო დავალების შესრულებისას მთავარი გმირი სასიკვდილო შეთქმულებას გამოავლენს მის ორგანიზაციაში, რომელიც ხელისუფლების უმაღლეს ეშელონებში აღწევს, ის ფარული კონფლიქტის ქაოტურ ეპიცენტრში აღმოჩნდება, რაც ტრევის FBI-ის დირექტორის სამიზნეს გახდის, და ახლა სანამ ბლოკი ჟურნალისტის დახმარებით თავისი წარსული დანაშაულის გამოსყიდვას ცდილობს, ბოროტმოქმედები მის ქალიშვილს და შვილიშვილს გაიტაცებენ...
ევა ბარში გაიცნობს მამაკაცს, რომელიც მისი აზრით ძალიან მომხიბვლელია. ყველაფერი რთულდება როდესაც ის აღმოაჩენს რომ მის წინაშე ფსიქოპატი და მისი ამალაა...
წყვილი შვილთან ერთად გადავა კოლუმბიაში საცხოვრებლად, რომ თვალყური ადევნონ საოჯახო ბიზნესს - გადამამუშავებელი ქარხნის მუშაობას. მალე ისინი მიხვდებიან, რომ მათ სახლში მოჩვენებები დასახლდნენ...
ფილმის მთავარი გმირები ლილი და როზი ძველი მეგობრები არიან, მათ ერთმანეთის ვაჟები შეუყვარდებათ. იმის შიშით, რომ საზოგადოებამ არ დაგმოს ისინი, ქალები მალავენ თავიანთ ურთიერთობებს წლების მანძლზე, სანამ საიდუმლო არ გახდება საჯარო...
ორი ახალგაზრდა და აღმოაჩენს, რომ მათი დეიდის სახლში ყველა სარკე დაფარული ან გადამალულია. როდესაც ერთ-ერთი მათგანი სარდაფში ძველ სარკეს ნახავს, გაუცნობიერებლად ავსულ დემონს გამოათავისუფლებს...
იდილიური ოჯახური არდადეგები საშინელებად იქცევა, როდესაც საშუალო სკოლის პედაგოგი ალანი და მისი მეუღლე ჯილი და გერიშვილები მაიკი და ჯორდონი იზოლირებული სანაპირო ზოლის შესასწავლად გაემგზავრებიან. მოწანწალებთან მოულოდნელი შეხვედრა ოჯახის მოგზაურობას კოშმარულს გახდის, სადაც ისინი იდუმალი ფსიქოპათის და მისი თანამზრახველის ტყვეები აღმოჩნდებიან. თავდაპირველად ჩანს, რომ ოჯახური ტერორი ორ სოციოპათან შემთხვევითი შეხვედრით წარმოიშვა, მაგრამ ღამის დადგომისთანავე, ალანი და ჯილი ხვდებიან, რომ ეს კოშმარი 20 წლით ადრე ამოქმედდა; და როდესაც ისინი ახლოს მიდიან თავიანთ საიდუმლოებით მოცულ საბოლოო დანიშნულების ადგილთან, ერთ-ერთი მოძალადე საშინელ საიდუმლოს გამოავლენს...
ესპანელი პოლიტიკოსს და მის გარემოცვას, რომლის მაღალი კლასის ცხოვრების წესი დაფუძნებულია საძაგელ და უკანონო ბიზნესზე, საფრთხე დაემუქრება მას შემდეგ, რაც გაზეთი მას საზოგადოების წინაშე ამხელს...
სიყვარულის, ღალატის, დაცემის, შურისძიებისა და მკვლელობის 3 ათწლეული. ფილმში ვნახავთ, თუ რას ნიშნავს სახელი, რამდენად ძვირად ფასობს ის და რამდენად შორს შეუძლია, შეტოპოს ოჯახმა ძალაუფლების მოსაპოვებლად...
ევა, ყოფილი მოცეკვავეა, რომელიც ახლა ინვალიდის ეტლს არის მიჯაჭვული და სიარული არ შეუძლია. მაგრამ როდესაც მისი მეგობარი სოფი შობის წინ მას ძველ ხის ანტიკვარულ კალენდარს აჩუქებს, ის აღმოაჩენს, რომ კალენდარის თითოეულ ფანჯარაში სიურპრიზია, რომელსაც აქვს შედეგები რეალურ ცხოვრებაში: ზოგიერთი მათგანი კარგია, მაგრამ უმეტესობა ცუდი. ახლა ევას არჩევანის გაკეთება მოუწევს – კალენდარის თავიდან მოშორება ან ძველი ცხოვრების და ცეკვის დაბრუნება, თუნდაც ეს სხვისი სიცოცხლის ფასად დაუჯდეს.
ვიტა და ვირჯინია არის სიყვარულის ისტორია მწერალ ვირჯინია ვულფ "ელიზაბეტ დებიკის" და არისტოკრატ ვიტა საკვვილ უესტ "ჯემა არტერტონს" შორის რომანისა და მეგობრობის შესახებ...
როდესაც ლამაზი და ძლიერი პრინცესა უარს ამბობს მოძალადე სოციოპათის ცოლობაზე, მას გაიტაცებენ და თავისი მამის ციხესიმაგრეში მდებარე იზოლირებულ კოშკში გამოკეტავენ. ახლა სანამ მისი საძულველი და შურისმაძიებელი საქმრო, ახალგაზრდა გმირის მამის ტახტის დაკავებას მთელი ძალებით ცდილობს, პრინცესამ უნდა დაიცვას თავისი ოჯახი და გადაარჩინოს სამეფო…
ისინი ვინც მიდიან მაქსი და ეივერი სოციალური მედიის აპლიკაციის გამოყენებით შეხვდებიან პირველ პაემანზე. ისინი ერთ მოჩვენებებით სავსე სახლში აღმოჩნდებიან და გააცნობიერებენ, რომ შესაძლოა ტრავმამ, რომელსაც ორივენი განიცდიან, ან გადაარჩინოს ისინი ან მათთვის დაუვიწყარ კოშმარად იქცეს.
კრიმინალური თრილერი, რომელშიც მოვლენები სიეტლში COVID-19-ის პანდემიის დროს ვითარდება და ტექნიკური მხარდაჭერის სპეციალისტის პოზიციაზე მომუშავე, აგორაფობიით დაავადებული ახალგაზრდა გოგონას შესახებ მოგვითხრობს, რომელიც მისი კომპანიის მონაცემების ანალიზის დროს ძალადობრივი დანაშაულის მტკიცებულებებს აღმოაჩენს და წინააღმდეგობასა თუ ბიუროკრატიას ხვდება, როდესაც ის ცდილობს ამის შესახებ თავის კომპანიას შეატყობინოს. ახლა სიმართლის გამოსავლენად, გოგონა იძულებულია მის ყველაზე დიდ შიშს დაუპირისპირდეს და გავიდეს თავისი ბინიდან მომიტინგეებით სავსე ქალაქის ქუჩებში.
თითქმის 30 წლის ჯული იძულებულია აღიაროს, რომ მას ჯერ არაფერი გაუკეთებია ცხოვრებაში და ნაკლებად სავარაუდოა რამე შეიცვალოს უახლოს მომავალში. ამ დროს მისი 44 წლის მეგობარმა ბიჭმა აკსელიმ მიაღწია წარმატებას და ახლა ჯულისთან ოჯახის შექმნა სურს. ერთ ღამეს ჯული წვეულებაზე მოხვდება, სადაც მიმზიდველ და ენერგიულ ახალგაზრდა ევინდს გაიცნობს. მასთან გატარებული ღამის შემდეგ ჯული ძველი ურთიერთობის დასრულებას და ცვლილებების იმედით ახალ პარტნიორთან ერთად ცხოვრებას გადაწყვეტს. ერთი წლის შემდეგ ჯული გაიგებს, რომ აკსელი მძიმედ არის ავად და მას საავადმყოფოში სტუმრობს.
ფილმი ასახავს 1990-იან წლებში განვითარებულ მეგობრების ისტორიას, რომლებიც თვლიან რომ იოლი მოგება ნახეს: ცარიელი სახლი ფულით სავსე სეიფით. როდესაც სახლის მფლობელი მოხუცი წყვილი ნაადრევად ბრუნდება შინ, ვითარება იცვლება და იწყება მომაკვდინებელი თამაში, რომელსაც ისინი ვერასოდეს წარმოიდგენდნენ.
სემი და ტუსკერი, 20 წლის პარტნიორები, მოგზაურობენ ინგლისში თავიანთი ძველი RV-ით, სტუმრობენ მეგობრებს, ოჯახს და წარსულის ადგილებს. მას შემდეგ, რაც ტუსკერს ორი წლის წინ ადრეული დემენციის დიაგნოზი დაუსვეს, მათი დროის ერთად გატარება ყველაზე მნიშვნელოვანია. თუმცა, მოგზაურობის პროგრესირებასთან ერთად, საიდუმლოებები ირკვევა და მათი სიყვარული ერთმანეთისადმი გამოცდას განიცდის. საბოლოო ჯამში, ისინი უნდა დაუპირისპირდნენ კითხვას, რას ნიშნავს ერთმანეთის სიყვარული ტუსკერის ავადმყოფობის პირობებში.
ერიკ ჯეგერის ამავე სახელწოდების რომანზე დაფუძნებული ნამდვილი ამბავი დანაშაულის, სკანდალის და შუა საუკუნეების საფრანგეთში სასამართლო პროცესის შესახებ, რომელიც განსაცვიფრებელი დეტალებით აღადგენს მშფოთვარე შუა საუკუნეებს. როდესაც ეთიკა, სოციალური მისწრაფებები და სამართლიანობა რაინდობის კოდექსით განისაზღვრებოდა, ხოლო იმდროინდელი ინსტიტუტების - ეკლესიის, სასამართლოს კეთილშობილების და ყმაწვილი მეფის - იგნორირების შედეგები შეიძლება სერიოზული ყოფილიყო, ქალისთვის, რომელიც ამ სასტიკ დროში ცხოვრობდა და ქმრის მხარდაჭერის გარეშე იურიდიული სტატუსი არ ქონდა, ფსონი კიდევ უფრო მაღალი იყო. ომიდან დაბრუნებული ნორმანდიელი რაინდი ჟან დე კარუჟი გაიგებს, რომ მისმა კონკურენტმა ჟაკ ლე გრისმა მისი ცოლი მარგარიტა გააუპატიურა. მაგრამ არავის სჯერა ქალის, და კარუჟი დახმარებისთვის პირდაპირ საფრანგეთის მეფე კარლ VI-ს მიმართავს, რომელიც გადაწყვეტს, რომ კონფლიქტი სამართლიან ბრძოლაში უნდა მოგვარდეს. თუ ქმარი წააგებს, მარგარიტას ცრუ ბრალდებების გამო ცეცხლში დაწვავენ...
'მიმდევრების' რიცხვის შემცირების გამო ტურისტული ვიდეობლოგერები, ტედი და კლერი, გადაწყვეტენ ინტერნეტში გაუშვან კონტენტი მათი ბოლო „სუპერმასპინძლის“ რებეკას შესახებ, რომელსაც ამ ორისგან უფრო მეტი სურს, ვიდრე კარგი რეპორტაჟია...
1974 წლის ამავე სახელწოდების კლასიკური სლეშერის პირდაპირი სიქველი და ფრენჩაიზის მეცხერე ნაწილი, რომელშიც მოქმედება ორიგინალი ფილმის შოკისმომგვრელი მოვლენებიდან 47 წლის შემდეგ ვითარდება. მას შემდეგ ტყავის სახე არავის უნახავს და მის შესახებ არაფერი სმენილა. რუთი, სან-ფრანცისკოში მცხოვრები 25 წლის ბიზნესმენი ქალია, რომელიც მის მეგობრებთან მელოდისთან და დანტესთან ერთად სან-ფრანცისკოდან ტეხასის შტატის შორეულ ქალაქ ჰარლოუში მიდის. მისი ქალაქში მარტო დატოვების შიშით, რუთის ასევე თავისი ინვალიდის ეტლზე მიჯაჭვული მოყვარული ფოტოგრაფი უმცროსი და ლილა მიჰყავს. მალე მათი არსებობა კოშმარად გადაიქცევა, როდესაც ისინი დაუნდობელი 60 წლის სრიული მკვლელის ტყავის სახის პირისპირ აღმოჩნდებიან, რომლის სისხლით გაჟღენთილი მემკვიდრეობა დღემდე აგრძელებს ამ რაიონის მაცხოვრებლების, მათ შორის 1973 წლის ცნობილ ხოცვა-ჟლეტაში ერთადერთი გადარჩენილის, სალი ჰარდესტის დევნას, რომელსაც შურისძიება სწყურია.
ჟურნალ "LIFE"-ის ფოტო მენეჯერი უცნაური ადამიანია, ის მუდმივად ოცნებაშია და ხშირად რეალობის აღქმა უჭირს. ერთხელაც ის მიემგზავრება დაკარგული ნეგატივის საპოვნელად...
ტომას სევიჯის ამავე სახელწოდების რომანზე დაფუძნებული დრამატული ვესტერნი, ძმების ფილ და ჯორ ბერბანკების შესახებ. უფროსი ფილი გონიერი და სასტიკი ადამიანია, ხოლო უმცროსი ჯორჯი ნაზი და მგრძნობიარე. ორივე მათგანმა ცოტა ხნის წინ მემკვიდრეობით მიიღეს მონტანას ხეობაში მდებარე უდიდესი რანჩო. მაგრამ ძმების ურთიერთობა სწრაფად ნადგურდება, როდესაც ჯორჯი ქვრივ როუზზე ფარულად დაქორწინდება. შედეგად, გაბრაზებული ფილ ქორწინების გასანადგურებლად დაუნდობელ ომს იწყებს, და ამაში ის როუზის შვილს პიტერს პაიკის სახით იყენებს.
სარამ თითქოს იშოვნა სამსახური, რომელიც მისი მოწოდებაა - იგი ლივერპულში მუშაობს მოხუცებულთა თავშესაფარში, სადაც განსაკუთრებულ უნარს ამჟღავნებს თავშესაფრის მობინადრეებთან ურთიერთობისას. შემდეგ კი, 2000 წლის მარტში, კორონოვირუსის პანდემია იფეთქებს.
პოლ ატრეიდესმა, ძალიან ნიჭიერმა და მახვილგონიერმა ახალგაზრდამ ყველაზე საშიშ პლანეტაზე უნდა იმოგზაუროს რათა საკუთარი და ოჯახის წევრების ნათელი მომავალი უზრუნველყოს. პლანეტის უძვირფასესი რესურსის დაპატრონებისთვის ბოროტი ძალები მზად არიან ყველაფერი გაიღონ. გადარჩება მხოლოდ ის, ვინც შეძლებს და საკუთარ შიშს მოერევა!
პენსიას მოახლოვებული მორგის თანამშრომელი თავისი კარიერის განმავლობაში ძალიან ბევრ უცნაურ ისტორიას არის შესწრებული, თუმცა ყველაფერი შეიცვლება, როცა ის გააცნობიერებს , რომ უკანასკნელი ისტორია , პირადად მისი ისტორიაა.
ამერიკელი ახალგაზრდა წყვილი საფრანგეთში მიემგაზავრება, რათა ცნობილი მოჩვენებების სახლი შეისწავლონ, რომელიც ხელოვნური ტბის ფსკერზე იქნა ჩაძირული. ისიინი აღმოჩენის სოციალურ ქსელში გაზიარებას აპირებენ, მაგრამ ამის ნაცვლად, რაღაც საშინელებას უპირისპირდებიან. წყალქვეშა სახლი ბნელი სულის თავშესაფარია და ნებისმიერი ვინც მის სიმშვიდეს დაარღვევს უმოწყალოდ აგებს პასუხს.
ენჯის შობის მარტო გატარება აქვს გადაწყვეტილი, თუმცა რიგითი გასეირნება ყველაფერს შეცვლის, როდესაც ის საშობაო მატარებლის საშუალებით 2011 წელს თავის მშობლიურ ქალაქში აღმოჩნდება.
ფსიქოლოგიური თრილერი, დიზაინერის კარიერაზე მეოცნებე ახალგაზრდა გოგონას ელაიზას შესახებ, რომელიც იდუმალებით მოცულ ვითარებაში ლონდონში 1960-იან წლებში აღმოჩნდება, სადაც მისი შემოქმედებითი გზის სათავეში მყოფ საყვარელ მომღერალს სენდის შეხვდება. მაგრამ 60-იანი წლების ლონდონი სულაც არ არის ისეთი, როგორიც მთავარ გმირს წარმოედგინა. მას ეჩვენება, რომ დრო ნაწილებად იშლება, რასაც ის მძიმე შედეგებამდე მიჰყავს...
აღმოსავლეთ ევროპის ფოლკლორით შთაგონებული საშინელებათა თრილერი, რომელშიც წარმოუდგენელი ღალატი ოჯახზე და მთელ მის შთამომავლობაზე საშინელი წყევლის დადებას გამოიწვევს. ათწლეულების შემდეგ, ქორწილი გაუცხოებული ოჯახის მომავალ თაობას აერთიანებს, მაგრამ როდესაც ერთ-ერთი მათგანი განზრახ აღვიძებს ბნელ ძალებს, რომლებიც მათ სათითაოდ დახოცვას დაიწყებს, მატრიარქმა, ჰანამ უნდა გაარკვიოს ვინ გამოიყენა ოჯახის წინააღმდეგ სისხლიანი წყევლა, რომელიც მათ სამუდამოდ დაეუფლა.
დრამა, რომელშიც მოვლენები პარალელურ განზომილებაში ვითარდება და უდაბნოში მცხოვრები უილის შესახებ მოგვითხრობს. მის სახლში ჯერ არშობილი ხუთი ადამიანის სული მიდის, რათა ტესტირება გაიარონ და დედამიწაზე დაბადების შანსი მიიღონ. ცხრა დღის განმავლობაში უილი თითოეულ მათგანს ამოწმებს, მაგრამ მას მხოლოდ ერთის არჩევა შეუძლია. გამარჯვებული რეალურ სამყაროში ახალშობილად გახდომის ნანატრი შესაძლებლობით დაჯილდოვდება, ხოლო დანარჩენები არსებობას შეწყვეტენ. მაგრამ მალე უილი სხვა კანდიდატებისგან განსხვავებული ემის სულის სახით საკუთარი ეგზისტენციალური გამოწვევის წინაშე აღმოჩნდება...
კრისტინა ლოპესი – მექსიკური წარმოშობის ახალგაზრდა ამერიკელი ჟურნალისტია, რომელიც მშობლიურ ვერაკრუსში მიემგზავრება, რათა გამოიძიოს ჯადოქრობისა და განკურნების იდუმალი შემთხვევები. იქ ახალგაზრდა გმირს ადგილობრივი მაცხოვრებლები იტაცებენ, რომლებიც აცხადებენ, რომ გოგონა დემონით არის შეპყრობილი და ახლა ის უნდა განდევნონ, სანამ გათავისუფლდება. მაგრამ გაქცევის მცდელობისას, კრისტინა თანდათან მიდის იმ დასკვნამდე, რომ ისინი შესაძლოა სიმართლეს ამბობენ. შედეგად, მის გამტაცებლებთან ერთად, მისი გადარჩენისთვის ბრძოლა იქცევა ბრძოლად მისი სულისთვის.
ორი დაბალი რანგის ასტრონავტი უზარმაზარ მედიატურში მიემგზავრება, რათა კაცობრიობა მოახლოებული კომეტის შესახებ გააფრთხილოს, რომელიც დედამიწას გაანადგურებს.
პოსტაპოკალიპტურ დედამიწაზე რობოტი, რომელიც მისი პატრონის საყვარელი ძაღლის დასაცავადაა შექმნილი, სწავლობს ცხოვრებას, სიყვარულს, მეგობრობას და ადამიანობას.
ყოფილი პატიმარი და გამოსწორებული სოციოპათი დილან ფორესტერი ანტიდეპრესანტების მუდმივი მარაგისა და მისი ექსცენტრული ფსიქიატრის დახმარებით პირობით ვადამდე გათავისუფლების შეუმჩნევლად გავლას ცდილობს. მაგრამ როდესაც მისი ძმა იდუმალ ვითარებაში კვდება, დილანი FBI-ს აგენტთან ერთად სიმართლის გასარკვევად ცხელ კვალს მიჰყვება. მთავარ გმირს მთელი თავისი მზაკვრული და ტაქტიკური უნარების გამოყენება დასჭირდება ამ მძაფრ-სიუჟეტიან თრილერში გადარჩენისთვის...
მომაჯადოებელი, მოულოდნელობებით აღსავსე ქრონიკა, რომელმაც 2018 წელს მთელი მსოფლიო მოიცვა - 12 ბიჭისა და მათი მწვრთნელის დახსნის ისტორია დატბორილი გამოქვაბულიდან ჩრდილოეთ ტაილანდში.
