უმაღლესი სკოლის მოსწავლე გოგონა, სახელად ვადა მის სკოლაში მომხდარი ტრაგედიის შემდეგ, თავის ცხოვრებაში რთული პერიოდის გადატანას, ტრაგედიისგან დატოვებული ფსიქოლოგიური ტრამის მოშუშებას, და ამავე დროს ცხოვრების გაგრძელებას ცდილობს. შედეგად ურთიერთობა ოჯახთან, მეგობრებთან და ასევე მისი მსოფლმხედველობა სამუდამოდ შეიცვლება…
ფილმი მოგვითხრობს ცნობილი ახალზელანდიელი ბერტა მონროს ცხოვრების ისტორიაზე, რომელმაც თავისი ცხოვრების უამრავი წელი მიახარჯა თავისი საყვარელი მოტოციკლის გადაკეთებას საშეჯიბრო ბოლიდში სიჩქარის რეკორდის დასამყარებლად. ეს მოტოციკლი მარკის "ინდიანი" იყო, გამოშვებული 1920 წელს და მის მაქსიმალური სიჩქარე მხოლოდ 58 მილი/სთ აღწევდა. ოფიციალური რეკორდი (200 მილი/სთ) იყო დამყარებული! ეს 1967 წელს მოხდა...
დასავლეთ ამერიკაში დაბადებულ თავისუფალ ცხენს „შავ ლამაზმანს“ შეიპყრობენ და ბერტუიკის საჯინიბოში წაიყვანენ, სადაც ის მარჯვე მოზარდს - ჯო გრინს გაიცნობს. ერთად ისინი მრავალ სხვადასხვა ისტორიას, გამოწვევასა თუ თავგადასავალს გამოივლიან...
დენი სანდერსი, ახალგაზრდა უმიზნო დამწყები მწერალია, რომელსაც რეალურ ცხოვრებაში და სოციალურ ქსელებში არ ჰყავს მეგობრები და, რაც ყველაზე ცუდია, არც გამომწერები, რომელიც ინსტაგრამისთვის ინსცენირებს მოგზაურობას პარიზში, იმ იმედით, რომ გააძლიერებს მის გავლენას სოციალურ ქსელებში. როდესაც საშინელი ინციდენტი ხდება პარიზში, დენი უნებურად კიდევ უფრო დიდ ტყუილში იძირება, ვიდრე იგი წარმოიდგენდა. შედეგად, ახალგაზრდა გმირი თავისი ოცნების ბიჭს, კოლინს გაიცნობს, და ახლა როგორც ინტერნეტის გავლენიანი ვარსკვლავი, საბოლოოდ იღებს ისეთ ცხოვრებას და აუდიტორიას, რაზეც ყოველთვის ოცნებობდა. მაგრამ ახლა როდის გაიბზარება ფასადი ეს მხოლოდ დროის საკითხია.
ფილმს საფუძვლად დაედო მაიამის ჯეკსონის საშუალო სკოლის საჭადრაკო გუნდის ამბავი, რომელმაც წარმოუდგენელი დაბრკოლებები გადალახა და გახდა პირველი ურბანული სკოლა, რომელმაც აშშ ეროვნული ჩემპიონატი მოიგო ჭადრაკში. ჯონ ლეგუიზამო ასრულებს სკოლის მასწავლებლის მარიო მარტინესის როლს, რომლის ურყევმა რწმენამ თავის მოსწავლეებისადმი განაპირობა მაიამის ჯეკსონის საჭადრაკო გუნდის აღზევება, დაწყებული 1998 წლის მაიამის ქუჩებიდან და დამთავრებული ეროვნული ჩემპიონობით...
რომანტიკული კომედია, ახალგაზრდა შეყვარებული წყვილის, კლერის და ეიდენის შესახებ, რომლებიც დებენ შეთანხმებას, რომ ისინი კოლეჯში წასვლის წინ ერთმანეთს დაშორდებიან სინანულისა და გატეხილი გულების გარეშე. ერთ-ერთ ბოლო ეპიკურ პაემანზე, კლერი და ეიდენი როგორც წყვილი თავიანთ უკანასკნელ ღამეს ატარებენ ერთად, რასაც ახალგაზრდა გმირები ნაცნობ და მოულოდნელ ადგილებში მიჰყავს. იმ დროს როდესაც წყვილი მათი ურთიერთობის ეტაპებს გადის, პირველი გამარჯობიდან და კოცნიდან პირველ ჩხუბამდე, ისინი პასუხების ძიებაში გარდამტეხ მომენტს უახლოვდებიან – ერთად უნდა დარჩნენ თუ სამუდამოდ დაშორდნენ?
2013 წლის 18 აგვისტოს ღამეს, ბარსელონას ბნელ ცაზე განათდა კომეტა როზა, რომელმაც ჩაუქროლა დედამიწას და სამუდამოდ ჩაქრა. იმავე ღამეს ადამიანებს შორის გაიელვა ახალმა გრძნობებმა, ხოლო სხვებში იმავე ღამეს ისინი ქრებოდა. იმ ღამით მშვენიერი ბარსელონას ცის ქვეშ გათამაშდა ექვსი სიყვარულის ისტორია...
ამბიციური თაღლითი, რომელსაც რამდენიმე კარგად შერჩეული სიტყვით ხალხით მანიპულირება შეუძლია - დაუკავშირდება ქალ ფსიქიატრს, რომელიც მასზე გაცილებით საშიში აღმოჩნდება...
ფილმი მოგვითხრობს ორი ახალგაზრდას შემთხვევით შეხვედრაზე: წამიერი შეხება, გადაულახავი ვნება, მხურვალე ღამე ერთმანეთის მკლავებში და დილანდელი მონანიება...
პარიზი, 1940 წელი. დე გოლების წყვილი საფრანგეთის სამხედრო და პოლიტიკური კოლაფსის მომსწრეა. შარლ დე გოლი ლონდონში მიდის, ხოლო ივონი, მისი მეუღლე, სამი შვილით ბიბლიური გაქცევის გზაზე აღმოჩნდება...
ფილმი გვიყვება ლეონარდის, ინგლისელი მკერავის, ისტორიას, რომელიც მსოფლიოში ცნობილი ლონდონის სევილ როუსთვის კოსტიუმებს კერავდა. თუმცა პირადი ტრაგედიის შემდეგ ის აღმოჩნდება ჩიკაგოში, სადაც პატარა სამკერვალოს გახსნის ქალაქის გაჭირვებულ ნაწილში. ის ლამაზ ტანსაცმელს კერავს მხოლოდ იმ ხალხისთვის, ვისაც მათი ყიდვა შეუძლია - სასტიკი განგსტერების ოჯახისთვის...
„ „მე ვარ ქალი“ არის ისტორია ჰელენ რედის შესახებ, რომელიც 1966 წელს 3 წლის ქალიშვილთან ერთად ნიუ იორკში ჩავიდა, მხოლოდ ერთი ჩემოდნითა და 230 დოლარით ჯიბეში. რამდენიმე კვირის განმავლობაში უსახსროდ ცხოვრობდა. რამდენიმე თვეში შეუყვარდა. რამდენიმე წელიწადში კი ყველა დროის ერთ-ერთი უდიდესი სუპერვარსკვლავი და 70-იანი წლების ფემინისტური მოძრაობის სიმბოლო გახდა. მან დაწერა სიმღერა, რომელიც ქალებს დიდი ცვლილებისთვის ბრძოლისკენ მოუწოდებდა.
1990-იანი წლები. 67 წლის მამაკაცი – ტრონდი, რომელმაც ცოტა ხნის წინ დაკარგა მეუღლე, პატარა ნორვეგიულ სოფელში გადასვლას გადაწყვეტს, სადაც ის მისი ცხოვრების დარჩენილი დღეების გატარებას განმარტოვებით აპირებს. მაგრამ ერთ დღეს იქ ის თავის ძველ მეგობარს, ლარს შეხვდება, რომლებიც ერთად გაიზადნენ. უნებლიეთ, იგი დიდი ხნის წარსული თავისი ახალგაზრდობის გახსენებას იწყებს, რომელმაც მეორე მსოფლიო ომის შემდეგ თავის მეგობართან ერთად გაატარა, როდესაც ტრონდიმ პირველი სიყვარული, მამა და ბედნიერი ბავშვიბა დაკარგა, რაც საბოლოო ჯამში უარყოფით გავლენას მოახდენს მოზარდების ბედზე. 15 წლის მთავარი გმირი ტრაგიკული სასიყვარული სამკუთხედის მონაწილე გახდება და გაიგებს, რომ უახლოეს ადამიანებსაც შეუძლიათ ერთმანეთისგან წარმოუდგენელი საიდუმლოებები დამალონ...
2013-2020 წლების ამავე სახელწოდების პოპულარული სერიალის სრულმეტრაჟიანი ვერსია, რომელშიც მთავარი გმირი გავლენიანი ადამიანების ნებისმიერი სირთულის პრობლემებს არასტანდარტული გზებით აგვარებს. ფილმი იწყება იქ, სადაც მეშვიდე სეზონი დასრულდა, როდესაც მიკი იძულებულია გაიქცეს, ხოლო რეი მის პოვნას და შეჩერებას გადაწყვეტს, სანამ ის ახალ ხოცვა-ჟლეტას დაიწყებს, სადაც ახლა დონოვანი ორ ცეცხლს შორის იმყოფება და კლიენტების საქმეებს შორის ბალანსის პოვნას ცდილობს. ფილმი ასევე დონოვანისა და სალივანის ოჯახის შუღლის, და რეისა და მიკის შორი 30 წლის წინ მომხდარი მოვლენების საიდუმლოს ხსნის ფარდას. გარჩევები, რომლებიც ათწლეულების განმავლობაში ვითარდებოდა, დონოვანის ოჯახის მემკვიდრეობას ასრულებს. როდესაც მოვლენები, რამაც რეი გახადა ის, ვინც დღეს არის, საბოლოოდ გამოაშკარავდება, დონოვანი ბოსტონში ბრუნდება წარსულთან დასაპირისპირებლად.
ბლანკა ლიპინკსას ამავე სახელწოდების რომანზე დაფუძნებული 2020 წლის ეროტიკული დრამის სიქველი, ახალგაზრდა წყვილის მასიმო ტორიჩელისა და ლაურა ბიელის შესახებ. წყვილის ახალ დასაწყისს და ცხოვრებას მასიმოს ოჯახური კავშირები და იდუმალი მამაკაცი ართულებს, რომელიც ლაურას ცხოვრებაში იჭრება, რათა მოიგოს მისი გული და ნდობა ნებისმიერ ფასად…
ბრიგსი თავის ბელგიურ ნაგაზთან ლულუსთან ერთად წყნარი ოკეანის სანაპიროზე საუკეთესო მეგობრისა და მწვრთნელის დაკრძალვაზე მიდის. ერთ-ერთ მათგანს ერთი კვირის სიცოცხლე აქვს დარჩენილი. მეორე კი ისე ცხოვრობს, თითქოს ყოველი დღე მისთვის უკანასკნელი იყოს...
არასწორად გაგზავნილი წერილი და ემა როთნერის ელექტრონული ფოსტა შეცდომით ლინგვისტ ლეო ლეიქთან ხვდება. ლეო პასუხობს. მალე ეს ყველაფერი სახალისო და უფროდაუფრო პირადული ხდება. იმის გამო, რომ ისინი პირადად არ იცნობენ ერთმანეთს, არ არსებობს შიშის ბარიერი და ნდობა ერთმანეთის მიმართ მაღალია. მათ ციფრული მეგობრობა აკავშირებთ და არც სურთ რაიმეს შეცვლა, მაგრამ იქნებ მაინც ღირდეს შეხვედრა? ელექტრონული სამყაროს მიღმა, ემა გათხოვილია, ლეო კი კვლავ ხვდება თავის ყოფილ მეგობარ გოგონას - მარლენს...
კრიმინალური დრამა, პირობით ვადაზე ადრე გათავისუფლებული მსჯავრდებულის ჯიმის შესახებ, რომელმაც შეიარაღებული ძარცვისთვის თორმეტი წელი გაატარა ციხეში. გათავისუფლების შემდეგ, ის პირობას დებს, რომ მის კიბოთი მომაკვდავ ბავშვობის შეყვარებულ ენის მის ცხოვრებაში საუკეთესო უკანასკნელ წელს აჩუქებს. მაგრამ სამწუხაროდ ამის გაკეთება ძალიან რთული აღმოჩნდება, როდესაც მისი პირობით ვადაზე ადრე გათავისუფლებულის ოფიცერი ჯიმის საქმეზე წასვლას აიძულებს, რაც მოვლენების სერიას გამოიწვევს, რის შედეგადაც მთავარი გმირი ადგილობრივი კრიმინალური ავტორიტეტის პრაისის ყურადღების ცენტრში მოხვდება. ახლა ენის გადასარჩენად მას ვერაფერი შეაჩერებს.
ჰარუკი მურაკამის მოთხრობის “მამაკაცები ქალების გარეშე” მოტივებზე დაფუძნებული დრამატული ამბავი მსახიობის და თეატრალური რეჟისორის იუსიკეს შესახებ, რომელმაც ორი წლის წინ დრამატურგი მეუღლე დაკარგა.
ჯენდი ნელსონის ამავე სახელწოდების თინეიჯერული ბესტსელერის ეკარინაზია ჩრდილოეთ კალიფორნიაში მცხოვრები 17 წლის მორცხვი ვუნდერკინდი-მუსიკოსი გოგონას ლენი უოკერის შესახებ, რომელიც მისი უფრო კომუნიკაბელური უფროსი დის, ბეილის მოულოდნელი გარდაცვალების შემდეგ, უზარმაზარ მწუხარებას ებრძვის, რაც გოგონას მისი დის მგლოვიარე ბოიფრენდთან, ტობისთან აახლოვებს, და ასევე სკოლის ახალ მეგობართან, ჯოსთან ურთიერთობაში პოულობს ნუგეშს. მაგრამ მალე ბიჭებთან ურთიერთობა რომანტიკულში გადაიზრდება და ახლა ლენი ხვდება, რომ ძალიან რთული არჩევანის გაკეთება მოუწევს. შედეგად, მისი ნათელი წარმოსახვისა და კონფლიქტური გულის წყალობით, ახალგაზრდა გმირი პირველ სიყვარულს და პირველ დანაკარგს განიცდის.
ისტორიული დრამა, ეიფელის კოშკის მშენებლობის შესახებ, რომელშიც მოვლენები საფრანგეთის რევოლუციის 100 წლისთავისთვის პარიზში მსოფლიო გამოფენის მომზადების დროს ვითრდება, რომელიც 1889 წელს უნდა ჩატარებულიყო. საფრანგეთის ხელისუფლება არქიტექტურულ კონკურს გამოაცხადებს, რომელშიც გუსტავ ეიფელის საინჟინრო ბიურო გაიმარჯვებს, რამაც სამუდამოდ შეცვალა არქიტექტორის ცხოვრება და ქალაქის ბედი, რაც მსოფლიოში ერთ-ერთი ყველაზე ცნობადი და ცნობილი ღირშესანიშნაობის შექმნას გამოიწვევს.
როცა მარტოხელა დედა და მისი ორი შვილი პატარა ქალაქში ჩამოვლენ, აღმოაჩენენ, რომ მოჩვენებებზე მონადირეებთან აქვთ კავშირიდა და რომ ბაბუასგან მათ საიდუმლო მემკვიდრეობა ერგოთ.
ნამდვილი ამბავი საშინლად დიდი ენერგიის მქონე ბორდერ-კოლის და ავსტრალიური ნაგაზის ნარევი რვა თვის ლეკვის რუბის შესახებ, რომლის “უმართავი” ბუნების გამო მისი პირველი მფლობელი როდ-აილენდის ცხოველთა თავშესაფარში დააბრუნებს. ლეკვს სწრაფად იშვილებენ, თუმცა შემდეგ ხუთჯერ დააბრუნებენ. შედეგად, ლეკვის დაძინება გადაწყდება, მაგრამ ევთანაზიამდე რამდენიმე საათით ადრე ოფიცერი დანიელ ო’ნილი რუბით იხიბლება, რომელიც ლეკვში პოტენციალს დაინახავს, და კინოლოგოდ გახდომის თავისი ოცნების ასრულებას გადაწყვეტს, ხოლო რუბისთვის ეს შეხვედრა ბედნიერი ცხოვრების დაწყების შანსი გახდება.
კამილამ გადაწყვიტა დაივიწყოს თავისი ბურჟუაზიული წარმოშობა და მოსამსახურედ დაიწყოს მუშაობა. ანალოგიური მიზეზით მისი მეზობელი ფილიბერი ისტორიის გაკვეთილებზე ამბობს უარს და საფოსტო ღია ბარათების გაყიდვას იწყებს. ფილიბერმა თავის დიდ ბინაში მზარეული ფრენკი და მისი ბებია პოლეტა შეიკედლა. მაგრამ როდესაც ამ კომპანიას კამილაც ემატება, სახლის ბინადრები ხვდებიან, რომ უმჯობესია თავი ერთად დაიჭირონ.
მატიე – ახალგაზრდა და ნიჭიერი “შავი ყუთების” ანალიტიკოსია, რომლის მიზანი ახალი თვითმფრინავის სასიკვდილო კატასტროფის მიზეზის გარკვევაა, თუ რა მოხდა დუბაი-პარიზის რეისზე, სანამ ის ალპებში ჩამოვარდებოდა, რის შედეგადაც თითქმის 300 ადამიანი დაიღუპა. პილოტირების შეცდომა? ტექნიკური შეცდომა? ტერორისტული თავდასხმა? კატასტროფის მიზეზები უცნობია. შავი ყუთის შესწავლისას, ახალგაზრდა გმირი სერიოზულ შემაშფოთებელ დეტალებს ავლენს და მისი უფროსის ბრძანებების საწინააღმდეგოდ, საკუთარ ფარულ გამოძიებას იწყებს – სიმართლის აკვიატებული და სახიფათო ძებნა, რომელიც სწრაფად საფრთხეს შეუქმნის მის სიცოცხლეს. მან ჯერ არ იცის, სადამდე მიიყვანს ჭეშმარიტების ძიება.
ჯული დევისი პოპულარულ საბავშვო წიგნებს წერს შიშების შეცნობის შესახებ. თუმცა მანამდე მან საკუთარი შიშიც უნდა შეიცნოს. მისი ქალიშვილის დაბადების შემდეგ ტრავმა აქტიურდება და მას გადარჩენისთვის რთული ბრძოლა უწევს...
არიანა გოდოის ამავე სახელწოდების რომანის ადაპტაცია, მოზარდი გოგონას რეკუელის შესახებ, რომელსაც დიდი ხანია მისი იდუმალი მეზობელი ბიჭი არესი სიგიჟემდე უყვარს. გოგონა ფარულად უთვალთვალებს მას, მაგრამ ისინი არასოდეს ლაპარაკობენ. ახალგაზრდა გმირს გადაწყვეტილი აქვს, რომ მას მისი შეყვარება აიძულოს. შედეგად, რეკუელი ვა-ბანკზე მიდის, თუმცა არესი, ის ტიპია, რომელსაც ასე ადვილად არ უყვარდება, ამიტომ მათ პოტენციურ ლტოლვას შეიძლება პატარა ბიძგი სჭირდება. ერთ დღეს ყველაფერი Wi-Fi-ის შეცვლილი პაროლით დაიწყება…
მარტოხელა მიმტანი მოლი შეხვდება სიმპათიურ ბიჭს სახელად გასი, რომელიც მუშაობს სამკაულების მაღაზიაში. მოლი მიიჩნევს, რომ საბოლოოდ შემხვდა მის ერთადერთს, მაგრამ რაც უფრო მეტად გაიცნობს მას, მით უფრო დიდი საიდუმლო ხდება მისთვის გასი...
მისი გაუქმებული ქორწილი და გაკოტრებული საცხობი შობამდე რამდენიმე კვირით ადრე ახალგაზრდა გოგონას, ფელისიტი ოლსონს სადღესასწაულო განწყობას დაუკარგავს. განადგურებული ფელისიტი თავის პატარა მშობლიურ ქალაქში ბრუნდება მხოლოდ ერთი მიზნით: გამოიმუშაოს საკმარისი ფული, რათა რაც შეიძლება მალე დაბრუნდეს ჩიკაგოში და დააბრუნოს მისი ცხოვრება ნორმალურ კალაპოტში. თუმცა, მისი სადღესასწაულოდ განწყობილი ოჯახი და სიმპათიური ფერმერი ცდილობენ ახალგაზრდა გმირს დაუბრუნონ საშობაო განწყობა.
მომხიბვლელი ანჟელიკა თავდავიწყებითაა შეყვარებული თავის ცოლიან მეგობარზე ლოიკზე. მეგობრები გაფრთხილების მიუხედავათ, ის მზადაა ყველაფერი გააკეთოს, მის დასაპყრობათ, მაგრამ რაღაცა უცნაური იმალება მის საქციელში.
ფილმის მოქმედება მომავალში ვითარდება, სადაც მმართველობა სუპერ-რელიგიების ხელშია. ქრისტიანობის მიღების შედეგ მთავარი გმირი შესძლებს ფუნდამენტალისტებისგან თავის დაღწევას, რომლებიც თავგანწირვით იცავენ საკუთარი "სულიერი წინამძღოლის" ავტორიტეტს.
რომანტიკული დრამა, ახალგაზრდა მევიოლინე გოგონას ფინლი სინკლერის შესახებ, რომელიც ნიუ-იორკის პრესტიჟულ მუსიკალურ კონსერვატორიაში წარუმატებელი მოსმენის შემდეგ, საზღვარგარეთ სასწავლებლად ირლანდიაში მიემგზავრება, სადაც ის ურთიერთობის მოყვარულ და გულთამპყრობელ, კინოვარსკვლავს ბეკეტ რაშის შეხვდება, რომელიც მისი შუასაუკუნეების სათავგადასავლო ფრენჩაიზის კიდევ ერთი ნაწილის გადასაღებად ჩამოვიდა. როდესაც ახალგაზრდა გმირებს შორის რომანი იწყება, ბეკეტ ფინლში გულს, მუსიკას და ცხოვრებისეულ შეხედულებებს ცვლის. თავის მხრივ, ფინლი ბეკეტს თავისი თინეიჯერული კერპის ჩარჩოდან გასვლას შთააგონებს. მაგრამ ბეკეტის დიდების გარშემო მყოფი ძალები, მათ ოცნებას განადგურებით დაემუქრება.
ბენ უოთსი, ჯორჯიის პატარა ქალაქის შერიფია, რომელიც ადგილობრივი მდიდარი მაცხოვრებლების საიდუმლოებებს იცავს. როდესაც სამი ბოროტმოქმედი მძევლად აიყვანს ქალაქის ცნობილ ექიმს, მის გადასარჩენად, შერიფ უოთსის FBI-ის მოსვლამდე ამ რთულ სიტუაციასთან გასამკლავებლად გამოიძახებენ. თუმცა მერი ჩარლზ რუტლეჯი შერიფს გამტაცებლებზე, მძევლებზე და ყველა მოწმეზე შეტევას და მათ განადგურებას აიძულებს. როცა მთავარი გმირი აცნობიერებს, რომ ის შეიძლება პაიკი იყოს უფრო დიდი სქემისა, მან გზა უნდა გაიკვალოს, რათა ქალაქის ბნელი საიდუმლოებების მიღმა დამალული სიმართლე გამოავლინოს.
კლერმა და მორისმა უნდა წაიყვანონ მთელი ოჯახი კლერის მამის დაკრძალვაზე. ოჯახი შედგება კლერის ვეგეტარიანელი ვაჟიშვილისაგან, ალექსისაგან, რომელსაც საიდუმლოდ უყვარს მორისის ქალიშვილი, ლუსი, თინეიჯერი მეამბოხე, და კლერის ძმისაგან, რომელიც მწერალია და დასთან ცხოვრობს, ასევე კლერის და მორისის ქალიშვილისაგან. მათ წინ მხიარული მგზავრობა ელით.
ჯ.რ მორინგერის ამავე სახელწოდების ავტობიოგრაფიული ბესტსელერის კინოადაპტაცია ახალგაზრდა ბიჭის შესახებ, რომელიც დედასთან ერთად ლონგ-აილენდში მდებრე სახლში გადადის მას შემდეგ, რაც მისი მამა ოჯახს მიატოვებს. იქ მისი ბიძა ჩარლი ბარს სახელწოდებით “დიკენსი” ფლობს, რომელშიც ბიჭი დიდ დროს ატარებს. მამაკაცები, რომლებიც აქ მუშაობენ და წვეულებებზე დროს ატარებენ, მისი მეორე ოჯახი ხდებიან. რამდენიმე წლის შემდეგ ის იელის უნივერსიტეტში იწყებს სწავლას, ოთახის მეზობლებთან უესლისთან და ჯიმთან მეგობრობს და სიდნეისთან აბავს რომანს. როგორც New York Times–ში სტაჟირების ნაწილი, მთავარ გმირს სთხოვენ დაწეროს ის, რაც პირადად მას ეხება, ამიტომ იგი ლონგ-აილენდში გატარებულ თავის ბავშვობაზე წერს, თუ რამდენად მნიშვნელოვანი იყო ბარი “დიკენსი” მის ცხოვრებაში.
21 წლის დამწყები მსახიოის ჟოზეფინა "ფეინის" ისტორია. ამ პროფესიისთვის ფილმის გმირი ძალიან მორცხვი და მორიდებულია. მიუხედავად ამისა ცნობილი თეატრალური რეჟისორი კასპარ ფრიდმანი სთავაზობს მას მთავარ როლს თავის ახალ დადგმაში. ეს არის კამილას, ექსტრავერტის, სექსუალურად მომთხოვნი ქალის, მაგრამ ძალიან მგრძნობიარე პიროვნების როლი...
ნამდვილ ამბავზე დაფუძნებული კრიმინალური დრამა, უცნაური და ჩახლართული ურთიერთობის შესახებ, რომელიც გამოძიების ფედერალური ბიუროს აგენტ ბილ ჰაგმაიერსა და სერიული მკვლელის ტედ ბანდის შორის განვითარდა, როდესაც 1980 წელს ბანდი სიკვდილმისჯილთა კამერაში იმყოფებოდა…
ფილმი მოგვითხრობს სკოლის 5 სასოწარკვეთილი მოსწავლის - ოლივიას, მოს, ჩარლის, სტელას და უენის შესახებ, რომლებიც ერთმანეთს სასჯელის მოხდისას გაიცნობენ. ისინი მიხვდებიან, რომ მუსიკისთვის არიან დაბადებულები და ქმნიან ბენდს, რომელიც სკოლის ელიტაში დიდ პოპულარობას მიაღწევს.
შვებულების დროს ალპებში ყოფნისას ოჯახი ზვავის შემსწრე გახდა. ამ მოვლენამ მათზე ისეთი ძლიერი შთაბეჭდილება მოახდინა, რომ შეცვალა ბევრი რამ მათ ცხოვრებაში...
ამაღელვებელი და თანამედროვე ამბავი უნიკალური ამერიკული ოჯახის შესახებ, რომელიც მათი მომავლისთვის იბრძვის. ანტონიო ლებლანკი, ლუიზიანას პატარა ქალაქში გაზრდილი, ნაშვილები კორეელია, დაქორწინებულია ცხოვრების სიყვარულზე ქეითზე და მათი საყვარელი ქალიშვილის ჯესის მამინაცვალია. ოჯახის ცხოვრების გაუმჯობესების მცდელობისას, ანტონიო თავისი წარსულის აჩრდილებს უნდა დაუპირისპირდეს, როდესაც აღმოაჩენს, რომ იგი შეიძლება გააძევონ ერთადერთი ქვეყნიდან, რომელსაც მთავარი გმირი თავის სახლს უწოდებს...
15 წლის ლი კიგანი სკოლიდან გაირიცხება, როცა დედამიწაზე პანდემია ბობოქრობს. მამა მკვდარი ჰყავს , დედა კი საზღვარგარეთ არის ჩარჩენილი , ლის ერთ ინსტრუქციას მისცემენ , სკოლაში დაბრუნებას, მაგრამ წმინდა მარკის სკოლის უსაფრთხოების სამსახური მას ამის საშუალებას არ აძლევს.
სამი წელი გავიდა მას შემდეგ, რაც უცხოპლანეტელთა ხომალდი ჩამოვარდა. ამ კატასტროფამ ჩერტანოვოში მცხოვრები გოგონას ცხოვრებაც შეცვალა და ჩვენი წარმოდგენაც ამ სამყაროზე. როგორც ჩანს ეს უდიდესი ტესტი იყო ყველა ჩვენთაგანისთვის. თუმცა კაცობრიობამ ჯერ არ იცის, რომ სულ მოკლე ხანში კიდევ ერთი შეხვედრა ელის...
მოვლენები 1978 წელს ვითარდება და როდეოს ყოფილი ვარსკვლავის მიკოს შესახებ მოგვითხრობს, რომელიც მეუღლის და შვილის მკვლეობის შემდეგ დეპრესიაში ვარდება და შვებას ალკოჰოლში ეძებს. ერთ დღეს მას, მისი ყოფილი ბოსი დაუკავშირდება. ეს უკანასკნელი მიკოს მექსიკაში წასვლას სთხოვს, რათა თავისი მცირეწლოვანი ვაჟი სახლში დააბრუნოს, სადაც ის ალკოჰოლიკ დედასთან ერთად ცხოვრობს. მექსიკიდან ტეხასისკენ მიმავალ გზაზე, ისინი მოულოდნელად რთულ მოგზაურობაში აღმოჩნდებიან, რა დროსაც მთავარ გმირს საკუთარი ცოდვების გამოსყიდის შანსი მიეცემა.
სელესტა და ჯესი ინსტიტუტში შეხვდნენ ერთმანეთს და ახალგაზრდები დაქორწინდნენ. ისინი ერთნაერ ხუმრობებზე იციანიან, ერთმანეთის წინადადებებს ასრულებენ. მათი მეგობრებისთვის იდიალურ წყვილს წარმოადგენენ. დრო გავიდა, სელესტა საქმიანი ქალი და მწერალი გახდა, ჯესი კი ხელოვანი და მუდამ უმუშევარია. მათი ერთადერთი პრობლემა ისაა, რომ გაყრა გადაწყვიტეს, თუმცა უერთამნეთოთ ვერ ძლებენ.
ფრედ ბარტელი პარიზის ცნობილი საკომუნიკაციო სააგენტოს „ჰეფი ფიუს“ ქარიზმატული უფროსია. დაძაბული საგადასახადო აუდიტის შემდეგ ის იძულებული ხდება, კომპანია ერთ ღამეში ლა კურნევში გადაიტანოს. ფრედი და მისი გუნდი გაიცნობენ სემის, ახალგაზრდა გარეუბნელს, რომელიც მათ ახალ გარემოზე მოსარგებად წესებისა და გამოცდილების გაზიარებას შესთავაზებს.
სულისშემძვრელი და ემოციურად დატვირთული ისტორია ჰოლოკოსტგამოვლილი ბავშვებისა, რომლებიც მეორე მსოფლიო ომის შემდეგ დიდ ბრიტანეთში გადიყვანეს რეაბილიტაციისთვის. ახალ მიწაზე ყველაფერი შიშითა და გაურკვევლობით დაიწყო, თუმცა თანდათან იმედის, კეთილი ნების, დიდი მეგობრობისა და ბედნიერების ტრიუმფად იქცა, რასაც ისინი ასე აფასებენ და უფრთხილდებიან...
ფილმის სიუჟეტი ლონდონელი ჟურნალისტის გარშემო ვითარდება, რომელიც არქივში საიდუმლოებით მოცულ წერილებს აღმოაჩენს. მათში ჯენიფერ სტირლინგის და ენტონი ო’ჰარას 1960-იანი წლების ძალიან რომანტიკული, მაგრამ აკრძალული ურთიერთობის ისტორიაა მოთხრობილი.
