ცნობილი დეტექტივი იძიებს წარმოსადეგი საგვარეულოს ოჯახისთავის სიკვდილს. უხუცესი ერთი შეხედვით ყველას უყვარდა და პატივს სცემდა, თუმცა, საინტერესოა რა იმალება ემოციებს მოკელებული სიტყვების უკან...
ფილმი მოგვითხრობს ქალთა ჯგუფის შესახებ, რომლებმაც ერთ სამხედრო ბაზაზე მომღერალთა გუნდი ჩამოაყალიბა. წარმოუდგენელად ღრმა მეგობრული ურთიერთობების ჩამოყალიბება, მუსიკა და სიცილი მათ ცხოვრებას სრულიად გარდაქმნის - ისინი ერთმაეთს ეხმარებიან დაძლიონ როგორც საკუთარი შიშები, ისე საყვარელი ადამიანების გამო შიში, რომლებიც ბრძილის ველზე არიან...
ბრედი და კეიტი ცდილობენ მშობლებთან ერთად შეხვდნენ შობას. მაგრამ პრობლემა ის არის, რომ ორივეს მშობლები გაშორებულები არიან და მათ ერთ დღეში ოთხ ადგილას უნდა მოასწრონ მისვლა...
წარმოუდგენელი ამბავი უბრალო შავკანიანი მონის, ჰარიეტ ტაბმენის შესახებ, რომლის სიცოცხლე მარადიული კატორღისთვის იყო განწირული. თუმცა ჰარიეტის თავისუფლებისკენ სწრაფვა მას მონათმფლობელების კლანჭებისგან დაღწევაში და უსაფრთხო ადგილმდე წარმოუდგენელი მანძილის გადალახვაში დახემარება, სადაც მთავარი გმირი მიხვდება, რომ ამერიკას სასწრაფოდ ცვლილებები სჭირდება და მას შეუძლია ამას დაწყებას საფუძველი ჩაუყაროს...
პაციენტთან მომხდარი უცნაური, ტრაგიკული ინციდენტის შემდეგ ექიმ როუზ კოტერს სახიფათო მოვლენებთან უწევს გამკლავება, რომელთა ახსნაც არ შეუძლია. როუზმა მის ტრავმულ წარსულს უნდა გაუსწოროს თვალი, რათა გადარჩეს და ახალ, საზარელ რეალობას თავი დააღწიოს...
აქამდე უცნობი 500-ზე მეტი კადრისგან შექმნილი დოკუმენტური ფილმი ეხმიანება, ცნობილი ფეხბურთელის - დიეგო მარადონას კარიერას, რომელიც ოთხმოციან წლებში იტალიურ საფეხბურთო გუნდ ნაპოლში თამაშობდა, რა დროსაც გუნდმა მსოფლიო ჩემპიონობა მოიპოვა.
კამილა დეანჯელისის ამავე სახელწოდების რომანის ეკრანიზაცია ახლგაზრდა შეყვარებული კანიბალების, მარენის და ლის შესახებ. 16 წლის ასაკში დედის გარეშე დარჩენილი მარენი მამის მოსაძებნად მოგზაურობაში მიდის, რომელსაც ის არ იცნობს. ახალგაზრდა გმირს სურს იყოს ადამიანი, რომლითაც ხალხი აღფრთოვანებულია და პატივს სცემს. მას სურს იყოს შეყვარებული. მაგრამ მისმა საიდუმლო და სამარცხვინო მოთხოვნილებებმა აიძულა იგი დაეტოვებინა საკუთარი ქვეყანა. მას სძულს საკუთარი თავი იმ ცუდის გამო, რაც მან გააკეთა. გზად გოგონა გატანჯულ მოხეტიალე ბიჭის, ლის ხვდება, რომლებიც ერთიანდებიან და თავის დასაცავად იძულებულნი არიან დაემალნონ მსოფლიოს. მაგრამ, მიუხედავად მათი მცდელობისა, ყველა გზა მიდის მათ შემზარავ წარსულამდე და ბოლო ბრძოლამდე, რომელიც გადაწყვეტს, გადარჩება თუ არა მათი სიყვარული...
უზარმაზარი ამბიციისა და გადამეტებული თავაშვებულობის ისტორია, რომელიც მოგვითხრობს რამდენიმე მეოცნების აღმასვლას და დაცემას 1920-იანი წლების ჰოლივუდის გარყვნილებისა და აღვირახსნილობის ეპოქაში...
იზოლირებული კუნძულის კურორტზე ყოფნისას ახალგაზრდა ჯეიმსი და ემი სიამოვნებას განიცდიან იდეალური დასვენებით ხელუხლებელ სანაპიროზე, მისი გამორჩეული პერსონალით და ზაფხულის თაკარა მზით. მაგრამ მაცდუნებელი და იდუმალი გაბის ხელმძღვანელობით, ისინი კურორტის საზღვრებს მიღმა გადიან და ძალადობით, ჰედონიზმითა და ენით აუწერელი საშინელებებით სავსე კულტურის ცენტრში აღმოჩნდებიან. ტრაგიკული უბედური შემთხვევა მათ აყენებს ნულოვანი ტოლერანტობის პოლიტიკის წინაშე დანაშაულთან მიმართებაში: ან სიკვდილით დაისაჯებით, ან თუ საკმარისად მდიდარი ხართ, შეგიძლიათ უყუროთ როგორ კვდება თქვენი ცხოვრება.
ზღვისპირა კინოს მენეჯერი, რომელსაც მენტალური დაავადება სტანჯავს, 1980-იან წლებში ინგლისის სამხრეთ სანაპიროზე ახალ თანამშრომელთან გააბამს ურთიერთობას...
კომერციული თვითმფრინავის პილოტი ბროდი ტორანსი ავარიულ დაშვებას ახორციელებს მას შემდეგ, რაც დამანგრეველი ქარიშხალი აზიანებს მის თვითმფრინავს, რომელიც დაეშვება მტრულ ტერიტორიაზე, რის გამოც მგზავრები დაუცველები აღმოჩნდებიან ადგილობრივი შეიარაღებული ბოევიკების მიმართ, რომლებიც მძევლების აყვანას ცდილობენ. შედეგად, ბროდი გადაწყვეტს დაიცვას მგზავრები დახმარების მოსვლამდე და ერთადერთი ადამიანი, ვისაც ტორანსი შეიძლება დაეყრდნოს, არის მკვლელობაში ბრალდებული ლუი გასპარი, რომელიც FBI-ის გადაჰყავდა. ახლა მგზავრების გადასარჩენად ბორდის დასჭირდება გასპარის დახმარება, რომლის დროსაც გაიგებს, რომ გასპარს იმაზე მეტი შეუძლია, ვიდრე ერთი შეხედვით ჩანს.
უიტნი ჰიუსტონის მხიარული, ემოციური, დამთრგუნველი ცხოვრებისა და მუსიკის ზეიმი, ყველა დროის უდიდესი ქალი R&B პოპ ვოკალისტის მოგზაურობა წყვდიადიდან მუსიკალურ ვარსკვლავობამდე...
დედოფალი რამონდა, შური, მ’ბაკუ, ოკოი და დორა მილაჯი მსოფლიო ძალებს საკუთარი ერის დასაცავად ებრძვიან მეფე თიჩალას სიკვდილის შემდეგ. სანამ ვაკანდელები საკუთარი მომავლისთვის იბრძვიან, გმირები უნდა გაერთიანდნენ ომის მცველი ნაკიას და ევერეტ როსის დახმარებით და ვაკანდის სამეფოსთვის ახალი გზა გაკაფონ...
ელისი, შეწუხებული ადამიანია, და არავინ იცის რატომ. როდესაც მას მიიწვევენ აგარაკზე მეგობრის დაბადების დღის აღსანიშნავად, ის გრძნობს, რომ უნდა მოატყუოს თავისი მომხიბვლელი და წარმატებული მეგობარი ბიჭი საიმონი, და უთხრას, რომ ეს ძალიან მნიშვნელოვანი საქმიანი მოგზაურობაა. მის დიდი ხნის მეგობრებს სურთ, რომ ელისი დატკბეს მათი ერთობლივი გართობით. მაგრამ როდესაც საიმონი მუდმივად უგზავნის მას მესიჯებს, ცხადი ხდება, რომ ის გოგონას მჭიდროდ ადევნებს თვალს, ხოლო მისი ტელეფონი გადაიქცევა ემოციური ძალადობის არხად. როგორც კი ხვდებიან რა ხდება, ელისის მეგობრები ცდილობენ დაარწმუნონ ის, რომ მისი ურთიერთობა არ არის ნორმალური, რადგან საიმონი გამუდმებით აკონტროლებს მას. მთავარი გმირი ვერ შორდება საიმონს, მიუხედავად იმისა, რომ იცის უბედურია. ახლა არა მხოლოდ მათი მეგობრობა აღმოჩნდება სასწორზე, არამედ ეილისის უსაფრთხოებაც...
ფილმი გადაღებულია ამავე სახელწოდების წიგნის მიხედვით. იგი მოგვითხრობს 1970-იანი წლების ნეაპოლში მოღვაწე დაქირავებული მკვლელის შესახებ, რომელიც თავის საქმიანობას უბრუნდება მას შემდეგ, რაც ვაჟიშვილს მოუკლავენ. ეს ტრაგიკული შემთხვევა თითოეულ გმირს ასევე დააფიქრებს ზოგადად ცხოვრებაზე და კონკრეტულად, მოცემულ საზოგადოებაზე...
ახალგაზრდა შეყვარებული წყვილი, მარგო და ტაილერი შორეულ კუნძულზე მდებარე ექსკლუზიური და უნიკალური რესტორნის მოსანახულებლად მიემგზავრებიან, რომელსაც ძალიან კარგი რეპუტაცია აქვს, სადაც ამ დაწესებულების შეფ-მზარეული სლოვიკი, ახლგაზრდა გმირებს სთავაზობს მდიდრულ მენიუს შოკისმომგვრელ სიურპრიზებთან ერთად…
სათამაშოების კომპანიის გენიოსი თანამშრომელი იყენებს ხელოვნურ ინტელექტს, რათა შექმნას მეგანი - ადამიანის მსგავსი თოჯინა, რომელიც მის ახლადდაობლებულ დისშვილს ემოციურად უნდა დაუახლოვდეს. თუმცა თოჯინის პროგრამას ხარვეზი აღმოაჩნდება და ახალი მეგობრის მიმართ ზედმეტ მზრუნველობას გამოიჩენს, რასაც სახიფათო შედეგები მოჰყვება...
რომანტიკული კომედია, რომელიც ახალგაზრდა ახლადშექმნილი წყვილისა და მათი ოჯახის წევრების შესახებ მოგვითხრობს, რომლებიც კულტურებს შორის შეჯახების, გაუმართლებელი სოციალური მოლოდინების და თაობათა განსხვავებების ფონზე, თანამედროვე სამყაროში სიყვარულს, ოჯახურ დინამიკასა და ურთიერთობებს იკვლევს…
ბეიკონ ჰილსში სავსე მთვარე ამოდის და მასთან ერთად შემაძრწუნებელი ბოროტება იღვიძებს. მგლები ისევ იწყებენ ყმუილს და იხმობენ ბანშებს, ადამიან კოიოტებს, დემონ ძაღლებს, კიცუნეებს და სხვა ღამის ურჩხულებს. მაქცია სკოტ მაკქოლი თინეიჯერი აღარაა, თუმცა მაინც ლიდერად რჩება და მხოლოდ მას შეუძლია, ახალი მოკავშირეები და სანდო მეგობრები შეკრიბოს და ყველაზე ძლიერ და მომაკვდინებელ მტერს შეერკინოს...
ტომასი და ბეა დაქორწინდნენ, ახლა პიტერთან და მის კურდღლების ოჯახთან ერთად ცხოვრობენ. ბაღში ცხოვრებით თავმობეზრებული პიტერი დიდ ქალაქში წავა, გაიცნობს საეჭვო პერსონაჟებს და მთელ ოჯახს ქაოსსა და აურზაურში გაჰხვევს...
ლუის ბაიარდის ამავე სახელწოდების რომანზე დაფუძნებული კრიმინალური ჰორორი, რომელშიც მოვლენები 1830 წელს ვესტ პოინტის სამხედრო აკადემიაში ვითარდება, რომლის მკაცრ რეჟიმს და დისციპლინას საშინელი ამბები ანადგურებს, როდესაც იპოვნიან იუნკერის ცხედარს, რომელმაც თავი ჩამოიხრჩო საპარადო მოედანზე, ხოლო ღამით ვიღაც მიცვალებულს გულს ამოაჭრის. აკადემიას, არ სურს ამ ინციდენტების გასაჯაროება და ვეტერან კერძო დეტექტივს, ავგუსტუს ლენდორს ქირაობს. მტკიცებულებების შეგროვებისა და მოწმეების დაკითხვის პროცესში, იგი ხვდება ადგილობრივ კადეტს – თავშეკავებულ ინტროვერტს, სახელად ედგარ ალან პოს.
ფილმი მოგვითხრობს ერთი ტურისტი გოგონას და მისი მეგობრის ისტორიაზე, რომელიც არასწორ დროს, არასწორ ადგილას აღმოჩნდება და ეს გამოიწვევს მათ მონაწილეობას ორი მაფიოზური კლანის დაპირისპირებაში. რის შემდეგაც დაიწყება სასიკვდილო რბოლა გერმანიის მაგისტრალებზე...
ეპიკური ნამდვილი ამბავი გმირობის, მეგობრობისა და თავდადების შესახებ, რომელშიც მოვლენები კორეის ომის დროს ვითარდება და აშშ-ს საჰაერო ძალების 32-ე გამანადგურებელი ესკადრილიის ორი მფრინავის, აფროამერიკელი ჯესი ბრაუნისა და თეთრკანიანი ტომ ჰადნერის შესახებ მოგვითხრობს, რომლებიც მათი განსხვავებული წარმოშობის მიუხედავად, ომის შუაგულში მყოფები თავიანთი ქვეყნის სასიკეთოდ ერთად ბრძოლას სწავლობენ. საერთო დივერსიული ოპერაციის შესრულებისას გმირები საუკეთესო მეგობრები გახდებიან. თუმცა, მას შემდეგ, რაც ბრაუნის თვითმფრინავი მტრის ტერიტორიაზე ჩამოვარდება, მათ მეგობრობას მკაცრი გამოცდის გავალა მოუწევს...
ჰეიზელ კინგს, მარტოხელა დედას, მყარად აქვს გადაწყვეტილი დაიცვას საკუთარი ქალიშვილი ისეთი ცხოვრებისგან, როგორიც მას ერთდროს ჰქონდა, როდესაც იცავდა ადამინებს, ვისაც საკუთარი თავის დაცვა არ შეეძლოთ...
რეჟისორის და სცენარისტის მ. ნაიტ შიამალანის ახალი საშინელებათა თრილერი, ახალგაზრდა დაქორწინებული წყვილის, ენდრიუს და ერიკის და მათი ნაშვილები ქალიშვილის ვენის შესახებ, რომლებიც ნიუ-ჰემფშირში მდებარე შორეულ ქოხში დასვენებას გადაწყვეტენ. მაგრამ გმირების დასვენება კოშმარად გადაიქცევა, როდესაც მოულოდნელად მათ სახლში უცნობები შეიჭრებიან, სადაც ისინი ოჯახს ატყვევებენ და ეუბნებიან, რომ მოსალოდნელი აპოკალიფსის თავიდან ასაცილებლად, ერთი მათგანი მათი ხელით უნდა მოკვდეს...
კევინ ჰარტი ცდილობს ბლოკბასტერების ვარსკვლავად იქცეს და ცოდნის მისაღებად რონ უილკოქსის სკოლაში იწყებს სიარულს. ის თვლის, რომ სწორედ ამ გზით შეძლებს კინოინდუსტრიის ყველაზე მოთხოვნად კადრად იქცეს...
მას შემდეგ, რაც კევინი იპოვის მოჩვენებას სახელად ერნესტს, რომელიც მის ახალ სახლში ბინადრობს, ის სოციალური მედიის სენსაციად იქცევა. თუმცა როცა კევინი და ერნესტი გარდაცვლილის წარსულის გამოძიებას იწყებენ, ისინი დაზვერვის სააგენტოს სამიზნეები ხდებიან...
ფრანსის ვებერის 1976 წლის საკულტო კლასიკის “სათამაშო”-ს რიმეიქი. სამი, ბედნიერად ცხოვრობს სისტემის გარეთ, მრავალბინიან კორპუსში, ბავშვობის მეგობრებთან და მეუღლესთან ერთად, რომელიც პირველ შვილს ელოდება. შედეგად, მომავალი ოჯახის მოთხოვნილებების უზრუნველსაყოფად, სამი ძალიან უხალისოდ იწყებს მუშაოაბას ღამის დარაჯად მაღაზიაში. ფილიპი – საფრანგეთის უმდიდრესი ადამიანია. ის ცივი და უგრძნობი ადამიანი გახდა, მას შემდეგ რაც მისი მეუღლე გარდაიცვალა. ალექსანდრე – მისი ერთადერთი ვაჟი და ფილიპის მთელი სიმდიდრის მემკვიდრეა – თავშესაფარს ეძებს განებივრებული ბავშვის მარტოსულ სამყაროში. დაბადების დღეზე ფილიპი ხსნის სათამაშოების განყოფილებას მაღაზიაში, სადაც მთავარი გმირი მუშაობს და ეუბნება ალექსანდრეს, რომ შეუძლია მიიღოს ის, რაც უნდა. ალექსანდრე ირჩევს სამის...
სიუჟეტი ყოფილ მსახიობზე მოგვითხრობს, რომელმაც წარსულში პოპულარული სუპერგმირის როლი შეასრულა და ახლა გადაწყვიტა მონაწილეობა მიიღოს ბროდვეის სპექტაკლში, იმისათვის რომ დაიბრუნოს ძველი პოპულარობა და დიდება...
თრილერი რეალურ დროში, რომელშიც მოვლენები ბელფასტის შუაღამის ქუჩებში ვითარდება და ახალგაზრდა წვრილმანი დილერი მძღოლის ბეიჯის შესახებ მოგვითხრობს, როდესაც ის საშიში მევახშისგან ნასესხები ნაღდი ფულით ცდილობს ბოლო გარიგება დადოს. მაგრამ როცა ტრანსფერი კატასტროფულად არასწორედ წარიმართება, ახალგაზრდა გმირი დროის წინააღმდეგ რბოლაში აღმოჩნდება, რომ იპოვოს დაკარგული პროდუქტი და ახალი მყიდველი, სანამ მას საშიში მევახშე გაანაგურებს.
ელვის პრესლის ცხოვრებისა და მუსიკის ისტორია მის მენეჯერთან, პოლკოვნიკ ტომ პარკერთან რთული ურთიერთობის პრიზმაში. ისინი ერთად მუშაობდნენ 20 წელზე მეტი ხნის განმავლობაში: ელვისის კარიერის დასაწყისიდან მის უპრეცედენტო დიდებამდე...
მირიამ ტეივზის ამავე სახელწოდების რომანის ეკრანიზაცია იზოლირებული მენონიტების თემიდან ქალების ჯგუფის შესახებ, რომლებიც იკრიბებიან სათივეში, სადაც ისინი მთელი ძალებით ცდილობენ თავიანთი რწმენის შეჯერებას მამრობითი სქესის მრევლის მხრიდან სექსუალურ ძალადობის სერიასთან. მამაკაცების არყოფნაში, გულგატეხილი ქალები განიხილავენ სამ ვარიანტს: ან არაფერი გააკეთონ, ან დარჩნენ და შეებრძოლონ დანაშაულს, ან დატოვონ კოლონია. ზოგიერთი ქალი შიშობს, რომ წინააღმდეგობის ნებისმიერმა მოქმედებამ შეიძლება საფრთხე შეუქმნას მათ სამოთხეში მოხვედრას. სხვები კი მტკიცედ არიან დარწმუნებულნი, რომ ქმრებისა და ვაჟების გარეშე ვერ გადარჩებიან. თუმცა, ზოგიერთი ქალი მზად არის ყველაფერი გააკეთოს, რათა თავი დააღწიოს ცოლ-ქმრული ცხოვრების საშინელებას. ისინი ამტკიცებენ, რომ “სიმართლე უფრო ძლიერია”, ვიდრე საზოგადოების მიერ დაწესებული წესები.
ფილმი ჩვენი დროის გამორჩეული კორესპონდენტის - მერი ქოლვინის შესახებაა, რომელიც ყოველთვის მოვლენათა ეპიცენტრში იმყოფება და მსოფლიოს სხვადასხვა ცხელი წერტილიდან საომარ ვითარებას აშუქებს...
ყოფილი ამერიკის ელჩი გაბონში ადანაშაულებს აშშ-ს პრეზიდენტს ერაყის ომის დაწყების მიზეზების ფალსიფიკაციაში. მთავრობა ცდილობს თავიდან მოიშოროს მათთვის საშიში მოწინააღმდეგე და გაზეთ "SUNDAY TIMES"-ში ბეჭდავენ სტატიას, სადაც ჯოზეფ უილსონის ცოლი ვალერი პლეიმი გამოცხადებულია ცრუ-ს აგენტად. გმირის ცხოვრება საფრთხეშია...
"გამოსასყიდისთვის დატყვევებული" მოგვითხრობს ნამდვილ ამბავს დანიელი ფოტოჟურნალისტის დანიელ რაის შესახებ, რომელიც სირიაში 398 დღის განმავლობაში ჰყავდა მძევლად აყვანილი ტერორისტულ ორგანიზაცია "აისისს" სხვა უცხოელებთან ერთად. მათ შორის იყო ამერიკელი ჟურნალისტი ჯეიმს ფოლი. ფილმი გვიყვება დანიელის ბრძოლაზე ტყვეობაში გადარჩენისთვის, მის მეგობრობაზე ჯეიმსთან და რაის ოჯახის წევრების ტრაგედიაზე დანიაში, რომლებიც ცდილობენ, შვილის გადასარჩენად ყველაფერი გააკეთონ. კრიზისის ეპიცენტრში ჩნდება მომლაპარაკებელი არტური, რომელიც დანიელის გათავისუფლებაში საკვანძო როლს ასრულებს...
ლუსი ყველა მისი ყოფილი ურთიერთობისგან სამახსოვროდ მომენტებს აგროვებს და გალერეაში ინახავს. ერთხელაც ის აღმოაჩენს, რომ წინ წასასვლელად საჭიროა ეს წარსული უკან მოიტოვოს...
დაუნდობელი ჰელას მიერ მისი სამშობლოს განადგურებისა და ასგარდიული ცივილიზაციის სიკვდილის შემდეგ, თორი სამყაროს მეორე მხარესაა პატიმრობაში და დროის წინააღმდეგ ბრძოლაში ერთვება, რათა ასგარდთან დაბრუნდეს რაგნაროკის შესაჩერებლად...
2018 წლის “იურიული სამყარო 2: დაცემული სამეფო“ -ს მოვლენების შემდეგ, დინოზავრები მთელ პლანეტაზე გავრცელდებიან, რაც საგრძნობლად შეცვლის მოსოფლიოს, სადაც ადამიანები იძულებულნი არიან მათთან ერთად იცხოვრონ ან მოკვდენ. დინოზავრების შექმნის ტექნოლოგია, ნებისმიერი ტექნოლოგიის ღია წყარო გახდება, ახლა ჰენრი ვუ ერთადერთი არ არის, ვინც მას ფლობს. შედეგად, კომპანიებმა შეძლეს დინოზავრების შექმნა, რომლებიც გადაშენებულ წინაპრებთან უფრო ახლოს არიან, ვიდრე InGen კლონები. კლერ დირინგი და ოუენ გრედი, ახალგაზრდა მეისი ლოკვუდზე ზრუნავენ, და პასუხისმგებლობას იზიარებენ ყველაფერ მომხდარზე. მაგრამ სამმა ადამიანმა, რომელბიც ისლა ნუბლარზე და ისლა სორნზე იმყოფებოდნენ, კლერს და ოუნეს უნდა უჩვენონ, რომ სიცოცხლემ იპოვა გზა იმ ადგილისკენ, სადაც დინოზავრებს შეუძლიათ გამრავლება, ცხოვრება და განვითარება. თუმცა, ცოტამ თუ იცის, რომ სხვა პრეისტორიული ცხოველები უკვე გზაში არიან. როდესაც ახალგაზრდა მეისის დინო-ბრაკონიერები გაიტაცებენ, ოუენი და კლერი მის მოსაძებნად და გადასარჩენად მიდიან. მათი თავაგადასავალი გმირებს გლობალური კორპორაციის მიერ, შესაძლო საშინელი პროგრამით მართულ, დინოზავრების საარსებო გარემოში მიიყვანს, რომელსაც ალან გრანტი და ელი სატლერი იკვლევენ...
ფილმი მოგვითხრობს დაუნის სინდრომით დაავადებული 22 წლის ზაკზე, რომელიც ინვალიდთა სახლიდან გარბის, სადაც ის ცხოვრობს, რათა ოცნება აისრულოს და პროფესიონალი რესლერი გახდეს. მთელი რიგი მოვლენების შემდეგ, ახალგაზრდა ტაილერი – ძებნაში მყოფი წვრილმანი თაღლითი, ზაკის მწვრთნელი და მოკავშირე გახდება. გმირები ერთად გაურბიან დევნას, ვისკის სვამენ, ღმერთს ეძებენ, თევზებს იჭერენ და ინვალიდთა სახლის მშვენიერ და კეთილ მედდას - ელეონორას, თავიანთ მოგზაურობაში ჩაითრევენ...
როცა დაზვერვის საუკეთესო ჯარისკაცი ცნობილი, როგორც კურტ ჯენტრი, იგივე სიერა-6 შემთხვევით სააგენტოს საიდუმლოებებს შეიტყობს, პირველ სამიზნედ იქცევა და მისი ყოფილი ფსიქოპათი კოლეგა ლოიდ ჰანსენი და საერთაშორისო დაქირავებული მკვლელები მასზე მთელი მსოფლიოს მასშტაბით იწყებენ ნადირობას...
თორი შინაგანი სიმშვიდის ძიებაში განსხვავებულ მოგზაურობაში მიდის, სადაც ის ღმერთების მკვლელს, გორს უპირისპირდება. საფრთხის დასაძლევად თორი დახმარებას სთხოვს ვალკირიას, კორგის და ყოფილ შეყვარებულს ჯეინ ფოსტერს, რომელიც მისდა გასაკვირად მიოლნირის ჯადოსნური უროს მფლობელი გახდება. შედეგად, ისინი ერთად იწყებენ შთამბეჭდავ კოსმოსურ თავგადასავალს, რათა გამოავლინონ ღმერთების მკვლელის შურისძიების საიდუმლო და შეაჩერონ იგი, სანამ ძალიან გვიანი არ იქნება...
ახლახან დაქვრივებული დედა ბრენდა იბრძვის ოჯახის დასაცავად შემზარავი საგზაო მოგზაურობის დროს, როდესაც მკვლელობა და ნაღდი ფულის დაკარგული ტომარა მათ საფრთხეში ჩააგდებს...
პოლიციის ოფიცრები უსმანი და ფრანსუა კვლავ ერთიანდებიან ახალი გამოიძებისთვის. ის, რაც თავიდან უბრალო ნარკო გარიგებას ჰგავდა, სახიფათო, უმსხვილესი სისხლის სამართლის საქმე აღმოჩნდება, რაც საბოლოოდ მხრიარულ და ფართომასშტაბიან ოპერაციად გადაიქცევა...
სასიკვდილო ვირუსის ეპიდემიამ, რომელიც სამხრეთ და ჩრდილოეთ კორეას შორის დემილიტარიზებულ ზონაში წარმოიშვა, სრულიად გაანადგურა შეერთებული შტატები და ჩრდილოეთ კორეა. მთავარი გმირი კარტერი სასიკვდილო პანდემიიდან ორი თვის შემდეგ მოტელში იღვიძებს, რომელსაც არაფერი ახსოვს თავისი წარსული ცხოვრების შესახებ, თავის თავში იდუმალ მოწყობილობას აღმოაჩენს, ხოლო პირში სასიკვდილო ბომბს. მის ყურში ხმა მას ბრძანებებს აძლევს, რომ არ მოკვდეს, რომლის დროსაც კარტერი ჩათრეული აღმოჩნდება იდუმალ ოპერაციაში, მაშინ როცა CIA-ს და ჩრდილოეთ კორეის დაჯგუფება მას კვალზე მიჰყვებიან. ახლა მთავარი გმირი უნდა გადაურჩეს სახიფათო მისიას და გაიგოს, თუ როგორ აღმოჩნდა ასეთ გარემოებებში და ვინ ფლობს მის ყურში იდუმალ ხმას, რომელიც აძლევს მას მითითებებს...
ემილი, რომელსაც სტუდენტური სესხი აქვს და ნასამართლეობის გამო სამსახურს ვერ შოულობს, საკრედიტო ბარათების თაღლითობაში გაებმება და ლოს ანჯელესის დანაშაულებრივ სამყაროში აღმოჩნდება, რასაც საბოლოოდ მომაკვდინებელი შედეგები მოჰყვება...
უკვდავების მიღების იმედით, მეფე ლუი XIV იტაცებს ქალთევზას და იპარავს მის სასიცოცხლო ძალას, მაგრამ მისი უკანონო ქალიშვილის აღმოჩენა მეფის გეგმებს საფრთხის წინაშე აყენებს...
უკვე მრავალი წელია დემონი თეთრი გველი ჯადოსნურ ბაღში მედიტირებს და ცდილობს შინაგან სიცარიელეს გაუმკლავდეს. მისი და, მწვანე გველი მას ნეფრიტის თმის სამაგრს აძლევს და მოგონებები ბრუნდება...
ჯეიმს ბონდმა სამსახური დატოვა. თუმცა მისი სიმშვიდე ხანმოკლე აღმოჩნდა - ფელიქს ლაითერმა, ძველმა მეგობარმა დაზვერვიდან, დახმარება სთხოვა, რამაც ბონდი ახალი, სახიფათო ტექნოლოგიებით შეიარაღებული საიდუმლოებით მოცული ბოროტმოქმედის კვალზე გაიყვანა...
