ექვსი ერთმანეთისთვის სრულიად უცნობი ადამიანი, რომლებმაც სასიკვდილო თამაშში გადარჩენა მოახერხა, ისევ ნების საწინააღმდეგოდ აღმოჩნდებიან ჯოჯოხეთურ თამაშში. ამჯერად მათ კიდევ უფრო საშინელი გამოცდები ელით წინ, სადაც დავალებები უფრო რთული და დაუნდობელი, ხოლო გადარჩენის შანსი ნულის ტოლფასი გახდა…
მშვიდი, თუმცა ულმობელი შუასაუკუნეების მებრძოლი თავის სამეფოს ურჩხულებისგან და ოკულტიზმისგან იცავს. მისი თავების კოლექციას ერთი თავი აკლია - თავი ურჩხულისა, რომელმაც მისი ქალიშვილი მოკლა წლების წინ. შურისძიების წყურვილით შეპყრობილი ურჩხულს ყველგან ეძებს, მაგრამ როდესაც მეორე შანსი მიეცემა, იგი ბევრად უფრო საშინელი აღმოჩნდება, ვიდრე ოდესმე წარმოედგინა...
2002 წელს ჩირლიდინგის გუნდის კაპიტანი, რუბი ყველაზე ლამაზი და პოპულარული გოგონა იყო სკოლაში, რომელიც კვოტერბეკს ხვდება და მალე გამოსაშვები საღამოს დედოფალი უნდა გამხდარიყო. ყველა ბიჭი ოცნებობდა მასთან ყოფნაზე, რომელსაც ყველაფერი ქონდა მანამ, სანამ წარუმატებელი აკრობატული ტრიუკის გამო კომაში არ ჩავარდა. ოცი წლის შემდეგ რუბი კომიდან გამოდის და ხვდება, რომ მან ცხოვრების საუკეთესო ნაწილი დაკარგა. მაგრამ 37 წლის ქალად ქცეული მთავარი გმირი სკოლაში ბრუნდება და ცდილობს თავისი სკოლის ვარსკვლავის როლი დაიბრუნოს. მაგრამ ყველაზე მეტად მას გამოსაშვები საღამოს დედოფლის გვირგვინის მორგება სურს...
ბეტმენი მეორე წელია, რაც დანაშაულს ებრძვის. იმ დროს, როცა სერიულ მკვლელს - ადამიან გამოცანას უპირისპირდება, გოთემში აღმოაჩენს კორუფციას, რაც მის ოჯახთანაცაა დაკავშირებული...
როდესაც ჯინო ხვდება მრბოლელ ბენედიქტეს - ეს ერთი ნახვით სიყვარულია. ვნებიანი. უპირობო. ცეცხლოვანი. მაგრამ ჯინო საიდუმლოს მალავს. საიდუმლო, რომელსაც შეუძლია საფრთხე შეუქმნას თქვენს სიცოცხლეს და თქვენს გარშემო მყოფთა სიცოცხლეს. ჯინოს და ბენედიქტეს სიყვარულის გადასარჩენად - ბედის, გონების და საკუთარი სისუსტეების წინააღმდეგ ბრძოლა მოუწევთ...
ნიკოლასი დაუნის სინდრომის მქონე 10 წლის ბავშვია, რომელსაც დედა ყოველ წელს ახალ საკარნავალო კოსტიუმს უმზადებს. მას აქვს მაიმუნის, მამაცი მეკობრის, დრაკონის ფორმები. თუმცა სამწუხაროდ მოულოდნელად დედა გარდაიცვლება, რის შემდეგაც ნიკოლასს ბებია ბაბუასთან და ბიძაშვილთან მოუწევს საცხოვრებლად გადასვლა, რომელსაც კოშმარები სტანჯავს.
ფილმში მოვლენები 2135 წელს ვითარდება. კაცობრიობამ მხოლოდ სასწაულით გაუძლო უცხოპლანეტელების რასის ორ შეტევას და ემზადება მორიგი შეტევისთვის. პილოტების და მეთაურების ძიებისთვის, რომლებიც შეძლებენ დედამიწის გადარჩენას, იქმნება ახალი სამხედრო სკოლა, სადაც ასწავლიან ყველაზე ნიჭიერ ბავშვებს ადრეული ასაკიდან. ამ ბავშვებს შორის არის ენდრიუ ვიგინი - დედამიწის საერთაშორისო ფლოტის მეთაური და კაცობრიობის გადარჩენის ბოლო იმედი...
ხუთი წლის წინ ფილმის მთავარმა გმირმა - მაქს ლევინსკიმ, ციხეში ჩასვა საშიში დამნაშავე სახელად ჯეკობ სტერნვუდი, რომელიც ახლახანს გამოვიდა ციხიდან, დაბრუნდა ლონდონში და გადაწყვეტილი აქვს მოინახულოს თავისი მტერი...
შანგ-ჩი იზოლაციაში გაზრდილი კუნგ-ფუს ოსტატია, რომელიც მამის ხელმძღვანელობით მრავალი ვარჯიშის წყალობით, ბავშვობიდანვე სრულყოფილად აითვისა საბრძოლო ხელოვნება. მას ჰგონია, რომ მისი წარსული უკან მოიტოვა, მაგრამ ის კიდევ ერთხელ ახსენებს თავს, როდესაც მთავარი გმირი "ათი ბეჭდის" ორგანიზაციის მისტიკურ სამყაროში გაეხვევა...
ორეგონის ერთ მიყრუებულ ქალაქში საშუალო სკოლის მასწავლებელი და მისი შერიფი ძმა იდუმალმა მოსწავლემ უსიამოვნებებში ჩაითრია. მის შავბნელ საიდუმლოებებს ისინი მიჰყავთ ლეგენდარულ წინაპარ არსებასთან, რომელიც მათ დაბადებამდე ცხოვრობდა...
ედი ბროკი ცდილობს საკუთარი კარიერის დაბრუნებას სერიული მკვლელის - კლეტუს კესიდისგან ინტერვიუს აღებით, რომელიც ხდება სიმბიოტი ქარნიჯის მასპინძელი და გარბის ციხიდან წარუმატებელი სიკვდილით დასჯის შემდეგ...
სათავგადასავლო ანიმაციური ფილმი, რომელშიც მოვლენები იმ ეპოქაში ვითარდება, როდესაც საშინელი ურჩხულები დაცურავდნენ ზღვებში, ხოლო მონსტრებზე მონადირეები ცნობილი გმირები იყვნენ, და არავინ იყო ისე პატივსაცემი, როგორც დიდებული ჯეიკობ ჰოლანდი. ფილმი ახალგაზრდა გოგონას მეისი ბრამბლის შესახებ მოგვითხრობს, რომელიც ჯეიკობის გემზე იმალება, სადაც ყველაფერი, რაც ლეგენდარულმა ზღვის ურჩხულებზე მონადირემ იცოდა, თავდაყირა დადგება, როდესაც აღმოაჩენს, რომ გოგონა ერთ-ერთ ყველაზე სასტიკ და საშიშ ზღვის ურჩხულს დაუმეგობრდა ღია ზღვაში. შედეგად, გმირები მოულოდნელ კავშირს ქმნიან და ერთად იწყებენ ეპიკურ მოგზაურობას ამოუცნობ წყლებში, რომელსაც მივყავართ იქ, სადაც რუკა მთავრდება და იწყება ნამდვილი თავგადასავალი...
გასართობი წვეულება, ყურადღების ცენტრში ექცევა, როდესაც ვარსკვლავ სპორტსმენს საერთო საცხოვრებელში გარდაცვლილს იპოვნიან. მკვლელობა სოციალურ მედიაში დიდ ინტერესს იწვევს და ქვეყნდება მრავალი პოსტი, რომელიც წინ უსწრებს გამოძიებას, რათა ფარდა აეხადოს სკოლის ბნელ საიდუმლოებებს და გამოაშკარავდეს მკვლელობის შემდეგ დატოვებული სიმბოლოს რეალური მნიშვნელობა...
მოვლენები მექსიკაში მდებარე, იზოლირებულ პატარა ქალაქში ვითარდება და ამერიკელი ეგზორცისტის, მამა პიტერ უილიამსის შესახებ მოგვითხრობს, რომელიც იმ დემონით გახდება შეპყრობილი, რომლის განდევნასაც ცდილობდა. შედეგად ყველაზე საშინელ ცოდვას ჩაიდენს. თვრამეტი წლის შემდეგ, ამ ცოდვის შედეგები კვლავ ბრუნდება, რაც მასში არსებულ ბოროტებასთან უდიდესი ბრძოლის დასაწყისი გახდება...
ბავშვის გაჩენის უშედეგო მცდელობის შემდეგ, ქმარი მოელაპარაკება მეგობრებს გაძარცვონ სპერმის ბანკი, რათა მოიპოვოს მის მიერ ახალგაზრდობაში შეწირული ნიმუში...
1921 წელს ინგლისი პირველი მსოფლიო ომით გამოწვეული ტკივილითა და დანაკარგითაა მოცული. ამ დროს, ფლორენს ქეთქართი ბავშვი-მოჩვენების აღმოსაჩენად ერთერთ სკოლაში ჩადის...
როდესაც CIA აღმოაჩენს, რომ მისმა ერთ-ერთმა აგენტმა საიდუმლო ინფორმაცია გაავრცელა, რომელმაც 100-ზე მეტი ადამიანის სიცოცხლე შეიწირა, გამოცდილ ოპერმუშაკს ჰენრი პელჰემის ვენის სააგენტოს ყოფილ კოლეგებს შორის მოღალატის გამოვლენა დაევალება. მის გამოძიებას ის ავსტრიიდან ინგლლისში და კალიფორნიაში მიჰყავს, სადაც მთავარი გმირი კვლავ ხვდება თავის ყოფილ კოლეგას და ყოფილ შეყვარებულს, სელია ჰარისონს. ახლა გლობალური ჯაშუშობის, მორალური გაურკვევლობისა და სასიკვდილო ღალატის ამ შთამბეჭდავ ისტორიაში, ახალგაზრდა წყვილი იძულებულია პროფესიასა და ვნებას შორის საზღვრები წაშალოს...
სამანტა, ახალგაზრდა გოგონა, რომელიც მოიტაცეს, ვლავ შოკშია რადგანაც ჯერ ციხეში მოხვდა, შემდეგ კი საავადმყოფოში. ფილმის ერთერთი პერსონაჟი ექიმი გრინია, რომელიც მსხვერპლთა გონებას შეისწავლის დანაშაულის გასაღების მიგნების მიზნით. გენკო კი კერძო დეტექტივია, რომელიც ასევე უდგას კვალში გამტაცებელს...
ანიმაციური ფილმი, საოცარი ხელოვნური ინტელექტის – მოსიარულე და მოსაუბრე რობოტების შესახებ, რომლებიც მთელს მსოფლიოში ბავშვებს ეძებენ, რათა მათი მეგობრები გახდნენ. ღარიბ ოჯახში მცხოვრები 11 წლის ბიჭის, ბარნის ერთ-ერთი ასეთი რობოტი-მეგობარი, სახელად რონი გახდება, რომელიც შეზღუდული ფუნქციების მქონე უხარისხო მოდელი აღმოჩნდება. ბიჭი მალე ხვდება, რომ მისი რობოტი არასწორად მუშაობს. ამიტომ გაუმართაობის კომპესირებისთვის ახალგაზრდა მთავარი გმირი გადაწყვეტს რონის ყველაფერი ასწავლოს, რაც მან უნდა იცოდეს. ახლა მას უწევს გაარკვიოს კომპიუტერების და ინტერნეტის სამყაროში, როგორია ნამდვილი მეგობრობის ფასი, რაც საბოლოოდ მათი ლამაზი, მხიარული და ამაღელვებელი მეგობრობის დასაწყისი გახდება...
ორი მკვლელი რეი და კენი ბელგიაში, ბრიუგეში ჩადიან და შემდგომ მითითბებს იქ ელოდებიან. აქ მათ საკმარისი დრო აქვთ იმისათვის, რომ მათი წინა დავალება გაიხსენონ. როდესაც კენი შემდეგ დავალებას მიიღებს, ეს სულაც არ აღმოჩნდება ის, რასაც იგი ელოდა...
მსოფლიოს არასოდეს უნახავს ასეთი ნიჭიერი ავანტიურისტი: ოსტატური ჯიბის მტაცებელი მისტერ ვოლფი, გამოცდილი სეიფის კრეკერი მისტერ გველი, შენიღბვის ცივსისხლიანი ოსტატი მისტერ ზვიგენი, ცხარე და დაკუნთული მისტერ პირანა და მახვილგონივრული -კლასის ჰაკერი მის ტარანტულა. თუმცა, ყველაზე ჭკვიანი დამნაშავეებიც კი ზოგჯერ შეცდომებს უშვებენ. გარდაუვალი ციხიდან თავის გადასარჩენად ბანდის ლიდერი, მისტერ ვოლფი იძულებულია უკიდურესი ზომები მიიღოს: „ცუდი ბიჭები“ უკეთესობისკენ უნდა შეიცვალონ. ან ვითომ? მაგრამ როდესაც ახალი ბოროტმოქმედი ემუქრება ქალაქს, შეუძლია თუ არა მისტერ ვოლფს დაარწმუნოს სხვები, რომ მართლაც გახდნენ... კარგი ბიჭები?
უილი სპანის ცხოვრება თავდაყირა დადგება, როდესაც მისი მომავალი ყოფილი მეუღლე ლიზა იდუმალებით მოცულ ვითარებაში უგზო-უკვლოდ ქრება ბენზინგასამართ სადგურზე, სადაც სასოწარკვეთილი უილი მისი მეუღლის პოვნის უიმედო მცდელობაში ადგილობრივ პოლიციას და ლიზას მშობლებს ჩარევს, მაგრამ დრო გადის და მასზე ეჭვები ჩნდება. შედეგად, მთავარი გმირი საკუთარ გამოძიებას იწყებს და ქალაქის კრიმინალურ ქვესკნელში ეშვება...
მაფიის მეფემ სონიმ ადამიანი მოკლა. დღისით-მზისით მანქანის დასაყენებელი ადგილის გულისთვის. მოწმემ - ცხრა წლის კალოჯერომ - არ გასცა სონი და მათი მეგობრობაც დაიწყო, სანამ კალოჯერო ზრდასრული ადამიანი არ გახდა და უფსკრულში არ დაიწყო ვარდნა...
ეპიკური ისტორიული თრილერი, სასტიკი შურისძიების შესახებ, რომელშიც მოვლენები ისლანდიაში მე-10 საუკუნის ბოლოს ვითარდება, როდესაც ახალი მიწების ძიებაში დაუნდობელი ვიკინგები თავიანთ სამშობლოს ტოვებენ და იწყებენ უცხო ტერიტორიების ხელში ჩაგდებას. ფილმი ახალგაზრდა სკანდინავიელი პრინცის ამლეტის შესახებ მოგვითხრობს, რომელიც მისი მოკლული მამის გამო შურისძიებას და სამართლიანობის აღდგენას მთელი ძალებით ცდილობს.
ანიმაციური კომედია, 13 წლის მეი ლის შესახებ, რომელიც პრობლემებსა და მოსიყვარულე დედის ქალიშვილს შორის ორად იხლიჩება. მაგრამ საკუთარ სხეულში, ინტერესებსა და ურთიერთობებში ცვლილებების გარდა, მეი ლი კიდევ ერთი ძალიან უცნაური თავსატეხის წინაშე აღმოჩნდება. ყოველთვის, როდესაც იგი ძალიან ღელავს, მაშინვე გიგანტურ წითელ პანდად იქცევა...
ამერიკული კალათბურთის თანმედროვე ვარსკვლავი ლებრონ ჯეიმსი შვილთან ერთად ეპიკურ მოგზაურობას წამოიწყებს. ეს ვირტუალური თავგადასავალი, რომელსაც ორი სამყაროს გიჟური არევა გამოიწვევს – მოგვითხრობს, თუ რამდენად შორს არიან წამსვლელი მშობლები, რომ შვილებთან ურთიერთობა დაალაგონ. ლებრონი და მისი უმცროსი ვაჟი დომი, რომელიც ვიდეო თამაშების დეველოპერობაზე ოცნებობს, ბოროტი ხელოვნური ინტელექტის ციფრული სამყაროს ხაფანგში აღმოჩნდებიან. იმისათვის, რომ შინ უსაფრთხოდ დაბრუნდნენ, ლებრონმა სრულიად არადისციპლინირებულ გუნდს უნდა უხელმძღვანელოს, და კალათბურთის უდიდესი ვარსკვლავების ციფრული ვერსიების წინააღმდეგ უნდა გაიმარჯვოს...
ანიმაციის ახალ ნაწილში ტიმი და მისი "ბოსი ბავშვი" ტედი უკვე ზრდასრული ადამიანები არიან. მათი ცხოვრების გზები გაიყო - ახლა ტიმი მამა და ქმარია, ხოლო ტედი "CEO". თუმცა, ერთი მოულოდნელობის დამსახურებით ძმებს კიდევ ერთხელ მოუწევთ ერთად მუშაობა...
ყველაზე უცნაური და გოთური - "ადამსების ოჯახი" ახალ თავგადასავალში ეხვევა. ამჯერად ისინი სხვადასხვა პერსონაჟებთან მხიარულ დაპირისპირებაში აღმოჩნდებიან ჩართულნი...
ფენტეზური ფრენჩაიზის მე-3 ნაწილი საიდუმლო საზოგადოების წევრი, ჯადოქრისა და მწერლის ნიუტ სკამანდერის თავგადასავალების შესახებ, რომელშიც მოქმედება “ჯადოსნური ცხოველები 2: გრინდელვადის დანაშაულის“ მოვლენებიდან რამდენიმე წლის შემდეგ, რიო-დე-ჟანეიროში და ბერლინში ვითარდება და ჯადოქრების სამყაროს მეორე მსოფლიო ომში მონაწილეობაზე მოგვითხრობს. გაძლიერებული ბოროტი ჯადოქარის, გელერტ გრინდელვალდის შესაჩერებლად, ალბუს დამბლდორი ნიუტ სკამანდერს და მის მეგობრებს რთულ მისიას ანდობს, რომელიც ახლა გრინდელვალდის არმიას უნდა დაუპირისპირდეს, და ამავე დროს მომავალ ომში დარჩენილი დრო შეაჩეროს...
მამამისის ნების საწინააღმდეგოდ, ძლევამოსილი მებრძოლი - თორი, უძველეს ომს ხელახლა გააჩაღებს. სასჯელის სახით მას დედამიწაზე გააგზავნიან, სადაც ადამიანებთან ერთად უნდა იცხოვროს. აქ ის ხვდება, რას ნიშნავს იყო ნამდვილი გმირი, როდესაც მსოფლიოს ყველაზე საშიში ბოროტმოქმედი, დედამიწის გასანადგურებლად აზგარდის ბნელ ძალებს გამოაგზავნის...
ვიქტორი დაქირავებული მკვლელია ქილერების დინასტიიდან, რომელმაც პროფესიონალიზმის მწვერვალს მიაღწია. მიუხედავად ამისა ვიქტორს ოჯახური ბედნიერება სურს, მაგრამ არ უმართლებს. მოულოდნელად მას ერთი თაღლითი გოგონა უყვარდება, რომელიც უნდა მოკლას...
ნიუ-ორკის ამბების შემდეგ სტივ როჯერსი ცდილობს შეეჩვიოს ახალ სამყაროს და წყნარად ცხოვრობს ვაშინგტონში, მაგრამ როცა კორპორაცია S.H.I.L.D-ზე განახორციელდება თავდასხმა, როჯერსი გაიხლართება ინტრიგების ქსელში, რომელიც მთელ სამყაროს განადგურებით ემუქრება. როცა ამბები ოდნავ დაწყნარდება, კაპიტანი ამერიკა, შავი ქვრივი და ქორი შეებრძოლებიან მორიგ მოულოდნელ მტერს - ზამთრის ჯარისკაცს.
ისინი ცხოვრობენ მუსიკალური სამყაროს ცენტრში, ნიუ-იორკში. დენი - შოუ-ბიზნესის ლეგენდა და მუსიკალური ლეიბლის ყოფილი დირექტორი. გრეტა - მუსიკოსი და როკ-მუსიკოსის ყოფილი შეყვარებული. მაგრამ ხალხი ყოფილი ხდება იმისთვის, რათა დაიწყონ ყველაფერი თავიდან…
ჯორდან ბელფორტის ბიოგრაფიის ეკრანიზაცია. ადამიანის, რომელმაც 1987 წელს დაარსა ნიუ-იორკის ერთ-ერთი ყველაზე დიდი ბროკერული კომპანია, მაგრამ 10 წლის შემდეგ ის დაიჭირეს ფინანსური მაქინაციების გამო. ის გაუმკლავდა ალკოჰოლურ და ნარკოტიკულ დამოკიდებულებას, დაწერა ორი წიგნი და დღესდღეობით კითხულობს ლექციებს თუ როგორ უნდა მიაღწიო წარმატებას...
პარიზი, 2009 წელი. რაფაელი საშუალო სკოლის სტუდენტია, რომელიც დღეებს ატარებს საუკეთესო მეგობართან ერთად, ფელიქსთან, პარალელურად იგი ცდილობს დაასრულოს თავისი პირველი Sci-Fi რომანი, რა დროსაც ის შეხვდება ოლივიას, კიდევ ერთ სტუდენტს, რომელსაც პიანინოზე დაკვრა უნდა. მათი პირველი ჯადოსნური შეხვედრის შემდეგ, ოლივია მისი რომანის დასრულების მიზეზი გახდება. 10 წლის შემდეგ, 2019 წელს, რომანი გახდება ძალიან ცნობილი, ხოლო რაფაელი გახდება წარმატებული მწერალი, რომლის წიგნებიც საუკეთესო გაყიდვებით იქნება გამორჩეული. მას სხვებისთვის დრო აღარ რჩება და ამიტომაც, ოლივიასთან ქორწინება ყოველ ჯერზე უფრო ცივი ხდება. წიგნის დამთავრების და ოლივიასთან დაშორებაზე საუბრის შემდეგ, ისინი წავლენ დასაძინებლად. მეორე დილით, რაფაელი ალტერნატიულ რეალობაში იღვიძებს...
მისიკალური ანიმაციური ფილმი, კინკაჟუს სახელად ვივოს შესახებ, რომელიც მთელ დღეებს თავის საყვარელ მფლობელ ანდრესთან ერთად ჰავანას ხალხით სავსე ხმაურიან მოედანზე მუსიკის დაკვრაში ატარებს. მიუხედავად იმისა, რომ ისინი შეიძლება ერთ ენაზე არ საუბრობდნენ, ვივო და ანდრესი მუსიკისადმი საერთო სიყვარულის გამო იდეალურ დუეტს ქმნიან. მაგრამ როდესაც ტრაგედია დატრიალდება ყველაფერი იცვლება და ვივოს განსაკუთრებული მისია ეკისრება...
1990 წელი. ახალგაზრდა კომპოზიტორი ჯონი ნიუ-იორკის ერთ-ერთ დაწესებულებაში ოფიციანტად მუშაობს. ის პარალელურად მიუზიკლ "სუპერბიას" წერს, რომელიც როგორც თვითონ თვლის მომავალში ბროდვეის ჰიტად იქცევა და მას სიღარიბისგან თავის დაღწევის საშუალებას მისცემს. ჯონის ცხოვრებაში ყველაფერი რთულადაა. მისი შეყვარებული სიუზანი ლოდინისგან დაიღალა, ხოლო უახლოესმა მეგობარმა კი ოცნებები დაივიწყა და მუშაობა პრესტიჟულ სარეკლამო სააგენტოში დაიწყო. ჯონი მალე 30 წლის გახდება და ის ნერვიულობას იწყებს, რომ წლები უაზროდ გალია...
რეალურ მოვლენებზე დაფუძნებული დრამატული თრილერი, რომელშიც მოვლენები 1990-იან წლებში სომალის ყველაზე მჭიდროდ დასახლებულ დედაქალაქში, მოგადიშოში სამოქალაქო ომის დროს ვითარდება, რომელიც ჩრდილოეთ და სამხრეთ კორეის საელჩოების თანამშრომლების საშიში გაქცევის მცდელობის დეტალებს ასახავს, რომლებიც კონფლიქტის დროს რთულ მდგომარეობაში აღმოჩნდებიან. იზოლირებული და კავშირის გარეშე აღმოჩენილი, სამხრეთ კორეის საელჩოს თანამშრომბლები და მათი ოჯახის წევრები ტყვიებისა და ჭურვების წვიმის ქვეშ მოხვდებიან. ერთ ღამეს ჩრდილოეთ კორეის საელჩოს სამხრეთ კორეის საელჩოს თანამშრომბლები დახმარების თხოვნით მიმართავენ, რომლებსაც ერთი მიზანი ქონდათ – მოგადიშოდან გაქცევა.
ყოფილი ნეიროქირურგი დოქტორი სტივენ სტრეინჯი დროის ქვის ძებნას და მულტისამყაროს გათავისუფლების შედეგების გამოსწორებას აგრძელებს, მაგრამ მას ხელს უშლის მისი ძველი მეგობარი კარლ მორდო, რომელიც დრომამუზე თავდასხმის შემდეგ, სტრეინჯის მტერი გახდება და ახლა ცდილობს გაანადგუროს დედამიწაზე არსებული ყველა ჯადოქარი, რაც მთავარ გმირს მიზნის მიღწევაში აფერხებს, რის შედეგადაც სტრეინჯი წარმოუდგენელ ბოროტებას ათავისუფლებს. თავის მხრივ, ძლიერ ალისფერ ჯადოქრად ქცეული ვანდა მაქსიმოფი, ახლა უზარმაზარ ძალას ფლობს, რომლის გაგება და დაუფლება ჯერ კიდევ ვერ მოახერხა.
ავა დაუნდობელი მკვლელია, რომელიც ფარული და სადაზვერვო ოპერაციების ორგანიზაციისთვის მუშაობს, მთელი მსოფლიოს მასშტაბით, და გაწაფულია ყველაზე გახმაურებულ მკვლელობებში. როდესაც ერთერთი საქმე სახიფათოდ ჩავარდება, ავას საკუთარი თავის გადარჩენისთვის მოუწევს ბრძოლის გაგრძელება...
კრიმინალური ექშენ-კომედია, რომელშიც მოვლენები თანამედროვე ნიუ-იორკში ვითარდება და მსოფლიოში ყველაზე საშიში დაქირავებული მკვლელის რენდის, მეტსახელად, “კაცი ტორონტოდან” და წარუმატებელი ნიუ-იორკელი ახალგაზრდა გრემის შესახებ მოგვითხრობს, რომლებიც დაშვებული შეცდომის გამო იძულებულნი არიან მთელი ღამე ერთად გაატარონ, რაც ძალიან საშიშ თავგადასავლების სერიამდე მივა...
სამეცნიერო ფანტასტიკური თრილერი, რომელშიც მოვლენები უახლოს მომავალში ვითარდება და ორი მსჯავრდებულის შესახებ მოგვითხრობს, რომლებსაც სასჯელის შემსუბუქების სანაცვლოდ რადიკალურად ახალი პრეპარატის გამოცდის ექსპერიმენტში მონაწილეობას სთავაზობენ. გმირებს სპეციალურ საპყრობილეში აგზავნიან, რომელსაც შეშლილი მეცნიერი მართავს. ამგვარად, ის პატიმრებზე სხვადასხვა ექსპერიმენტებს ატარებს, კერძოდ ნარკოტიკებს ტესტავს, რომლებიც მათ გონებას აკნტროლებს და გავლენას ახდენს ემოციებზე...
სპორტული დრამა, წარუმატებელი პროფესიონალური კალათბურთის სკაუტის სტენლი შუგარმენის შესახებ, რომელიც სამსახურიდან გათავისუფლების შემდეგ, მოუთმენლად ელის საკუთარი ღირსების აღდგენას. სტენლი თავის შესაძლო ხსნას მადრიდის გარეუბანში მდებარე პარკში თამაშის დროს შემთხვევით აღმოჩენილ, მოყვარულ კალათბურთელ ბო კრუსში პოულობს, რომელსაც ნამდვილი ესპანელი კალათბურთელი ხუანჩო ერნანგომესი თამაშობს. შედეგად, ახალი მიზნით შეპყრობილი, მთავარი გმირი ბოს ამერიკაში ჩამოყვანას და NBA-ში სათამაშოდ მის მომზადებას თავის ამოცანად აქცევს, რადგან თვლის, რომ მიუხედავად მისი რთული წარსულისა, ორივეს შეუძლია ამის მიღწევა...
მოვლენები უახლოეს მომავალში ვითარდება და ახალგაზრდა სარას შესახებ მოგვითხრობს, რომელიც მოულოდნელად გაიგებს, რომ ის უკურნებელი სენით არის დაავადებული. ახლა სიკვდილის წინ საყვარელ ადამიანებს მისი დაკარგვით გამოწვეული ტკივილი, რომ შეუმსუბუქოს, გოგონა საკუთარი თავის კლონირების პროცედურის გავლას გადაწყვეტს. მაგრამ შემდეგ სარა სასწაულებრივად გამოჯანმრთელდება, რაც მას ახალ პრობლემას გაუჩენს, რადგან მომავლის საზოგადოებაში ადამიანებს უფლება არ აქვთ იარსებონ მათი კლონებისთვის დაწესებულ სიცოცხლეზე მეტ ხანს...
ჯაშუშური თრილერი, ეროვნული სადაზვერვო სამსახურის საგარეო ფილიალის ცივსისხლიანი დირექტორის კან-ინის შესახებ, რომელიც ჯაშუშებით სავსე ქალაქ შენიანში ფარული და უკიდურესად სახიფათო მისიების შესასრულებლად მისი საუკეთესო აგენტებით დაკომპლექტებულ “შავ გუნდს” ხელმძღვანელობს. კან-ინი ცნობილია იმით, რომ დაუნდობლად ახორციელებს ნებისმიერ ოპერაციას, რის გამოც მას ადამიანების შთანთქმელი სულის სახელი “იაკშა” შეარქვეს. ერთ დღეს სეულის ცენტრალური ოლქიდან მისი ყველაზე დიდი მოწინააღმდეგე, პროკურორი ჯინ-ჰუნი ჩადის ქალაქში, რათა შავი გუნდის საქმე გომოიძიოს, რომლის დროსაც გაიგებს, რომ მათი ნამდვილი მისია ეხება საქმეს, რომელსაც შეუძლია მთელი კონტინენტი შეარყიოს. ახლა მთავარ გმირს თავისი ყველა წყაროს გამოყენება მოუწევს. ამ ოპერაციებში ასევე სხვადასხვა სპეცსამსახურების აგენტებიც მონაწილეობენ...
ბიოგრაფიული დრამა, ოსვენციმის საკონცენტრაციო ბანაკში გადარჩენილი, პოლონელი ებრაელი მოკრივის ჰარი ჰაფტის შესახებ, სადაც ის იძულებული იყო სხვა პატიმრებთან ერთად მონაწილეობა მიეღო სასიკვდილო გლადიატორულ კრივში. მეორე მსოფლიო ომის შემდეგ, მტკივნეული მოგონებებითა და დანაშაულის გრძნობით დატანჯული, ჰარი მთელი ძალებით ცდილობს კრივის ლეგენდის, როკი მარჩიანოს წინააღმდეგ გახმაურებული ბრძოლა გამოიყენოს, რათა კვლავ იპოვოს თავისი პირველი სიყვარული…
როცა მის ტომს საფრთხე დაემუქრება, უშიშარი და გაწაფული კომანჩი მეომარი ნარუ საკუთარი ხალხის დასაცავად გაემართება. თუმცა ნადირი, რომელსაც ის ეძებს, აღმოჩნდება განვითარებული უცხოპლანეტელი მტაცებელი მაღალტექნოლოგიური არსენალით...
